Falun Gong
Falun Gong eða Falun Dafa (法輪大法, Fǎlún Dàfǎ) er andleg iðkun sem byggir á kerfi til hugleiðslu og andlegrar uppljómunar sem kynnt var opinberlega af Li Hongzhi árið 1992. Falun Gong kerfið inniheldur fimm íhugunaræfingar en leggur einnig áherslu á siðferði. Það siðferði grundvallast í ræktun dyggða í gegnum grunngildi iðkunarinnar: Sannleika, samkennd og umburðarlyndi (kínverska: 真, 善, 忍). Falun Gong er kennt við búddíska qigong-iðkun, þó að kenningar iðkunarinnar feli einnig í sér þætti fengna frá hefðum daóismans.
Kenningar Falun Gong eru runnar upp úr búddisma, taóisma, siðakenningum Konfúsíusar og nýaldarhreyfingum. Fylgjendur Falun Gong gera sérstakar æfingar sem ætlaðar eru til þess að styrkja andlega þáttinn.
Falun Gong hefur verið í sviðsljósinu frá 20. júlí árið 1999 en þá bannaði kínverski kommúnistaflokkurinn hreyfinguna. Ekki er þekkt hve margir fylgjendur Falun Gong eru. Falun Gong hreyfingin telur að það séu 100 milljónir fylgjenda. Fyrstu árin sem Li Hongzhi kynnti Falun Gong var það með velþóknan kínverskra yfirvalda og var talið að iðkunin væri heilsusamleg. Li hefur frá árinu 1995 kennt utan Kína.
Heimildir
breyta- Fyrirmynd greinarinnar var „Falun Gong“ á ensku útgáfu Wikipedia. Sótt 10. nóvember 2007.
- „Hvað er Falun Gong?“. Vísindavefurinn.
- „Tillaga til þingsályktunar“. Sótt 21. maí 2012.
Tenglar
breyta- Trúin ógn við völd flokksins; frétt í Morgunblaðinu 2000
- Stjórn Kína stafar mest hætta af Falun Gong; fréttaskýring í Morgunblaðinu 1999
- Fjórir dæmdir í allt að 12 ára fangelsi; frétt í Morgunblaðinu 1999
- Hugleiðsla og bardagalist; frétt í Morgunblaðinu 1999
- Markmiðið að gera út af við Falun Gong; frétt í Morgunblaðinu 1999
- Iceland says sorry to Falun Gong for siding with Chinese Regime; frétt Epoch Times frá árinu 2011[óvirkur tengill]
