Elfdælska

Elfdælska (övdalsk eða övdalską, sænska: älvdalska eða älvdalsmål) er austurnorrænt tungumál talað í Älvdalen, í héraðinu Dölum í Svíþjóð. Um tvö til þrjú þúsund manns tala elfdælsku. Eins og önnur norræn tungumál á elfdælska rætur sínar að rekja til fornnorrænu, en hún þróaðist frekar einangruð frá miðöldum og telst nánari fornnorrænu en hin skandinavísku málin. Elfdælsk málfræði er nokkuð svipuð þeirri íslensku, til dæmis hafa föll varðveist og sagnbeygingar eru flóknari en í sænsku. Þó að elfdælskan hafi haldið við mörgum gömlum málfræðilegum fyrirbærum hafa nýjungar í málinu líka þróast.

Elfdælska övdalsk, övdalską
Málsvæði	Svíþjóð
Heimshluti	Dalir, Svíþjóð
Fjöldi málhafa	um 3.000
Sæti	ekki meðal 100 efstu
Ætt	Indóevrópskt  Germanskt   Norrænt    Austurnorrænt     Dalamál      Elfdælska
Skrifletur	Latneskt stafróf
Opinber staða
Stýrt af	Sænskri málstöð
Tungumálakóðar
ATH: Þessi grein gæti innihaldið hljóðfræðitákn úr alþjóðlega hljóðstafrófinu í Unicode.

Frá hljóðfræðilegu sjónarhorni er elfdælska frekar svipuð sænsku og norsku hvað varðar fjölda og eiginleika sérhljóða, en nefmælt sérhljóð eru líka til í málinu. Tannbergsmælt önghljóð /ð/ hefur líka varðveist, en það er horfið frá öllum öðrum norrænum málum nema dönsku og íslensku. Áherslan er yfirleitt á fyrsta atkvæði orðs.

Elfdælska hefur verið talin mállýska sænsku, en er yfirleitt í dag talin aðskilið tungumál. Munurinn á elfdælsku og sænsku er meiri en á sænsku og norsku.

Heimildir

  Þessi tungumálagrein er stubbur. Þú getur hjálpað til með því að bæta við greinina.