Alfreð Clausen - Suðræn ást og fleiri lög

(Endurbeint frá EXP-IM 122)

Suðræn ást og fleiri lög er 45-snúninga hljómplata gefin út af Íslenzkum tónum árið 1964. Á henni syngur Alfreð Clausen fjögur lög með Jan Morávek, hljómsveit og kór. Jan úsetti öll lögin. Platan er hljóðrituð í mono. Upptaka: Ríkisútvarpið. Umslag: Amatörverslunin ljósmyndastofa. Pressun: AS Nera í Osló.

Suðræn ást og fleiri lög
Forsíða Alfreð Clausen - Suðræn ást og fleiri lög

Bakhlið Alfreð Clausen - Suðræn ást og fleiri lög
Bakhlið

Gerð EXP-IM 122
Flytjandi Alfreð Clausen, hljómsveit og kór Jan Morávek
Gefin út 1964
Tónlistarstefna Dægurlög
Útgáfufyrirtæki Íslenzkir tónar

LagalistiBreyta

  1. Suðræn ást - Lag - texti: Jobim, Bonfá - Egill Bjarnason - Hljóðdæmi 
  2. Hinsti geislinn - Lag - texti: Þjóðlag - Matthías Jónasson
  3. Söknuður - Lag - texti: Þjóðlag - Egill Bjarnason
  4. Lilja - Lag - texti: Foster - Matthías Jónsson


Textabrot af bakhlið plötuumslagsBreyta

 

Alfreð Clausen hefur undanfarin 20 ár verið einn af vinsælustu söngvurum okkar, sérstaklega hefur túlkun hans á íslenzkum dægurlögum orðið vinsæl. Það er of langt að telja upp öll þau lög sem Alfreð Clausen hefur gert vinsæl, en nefna má t.d. Æskuminningu, Vökudraum, Ágústnótt, Sólarlag í Reykjavík, Ömmubæn o.fl. og ennfremur má nefna syrpuplöturnar með Sigrúnu Ragnars, sem hlutu afburðavinsældir, ekki aðeins hérlendis, heldur og erlendis.

Á þessari nýju hljómplötu syngur Alfreð fjögur erlend lög, fyrsta lagið er úr kvikmyndinni Orfeo negro, við ljóð eftir Egil Bjarnason. Lag nr. 2 er við ljóð Matthíasar Jónassonar og leikur Jan Morávek þar undir á gitar. Hinsvegar á plötunni er fyrra lagið hið vinsæla þjóðlag Where have all the flowers gone, við ljóð Egils Bjarnasonar og seinna lagið er Lilja, lag eftir Stephen Foster við ljóð Matthíasar Jónassonar.

Jan Morávek hefur lagt mikla vinnu við útsetningu þessarar sérstæðu hljómplötu, og það er von okkar, að þessi hljómplata eigi eftir að verða jafn vinsæl og fyrri plötur Alfreðs. - Tage Ammendrup