Dómsmálaráðuneyti Íslands

Dómsmálaráðuneyti Íslands er eitt af níu ráðuneytum Stjórnarráðs Íslands. Æðsti yfirmaður þess er dómsmálaráðherra.

Dómsmálaráðuneytið
Ráðherra	Guðrún Hafsteinsdóttir
Ráðuneytisstjóri	Haukur Guðmundsson
Staðsetning	Sölvhólsgötu 7 101 Reykjavík
Vefsíða

Dómsmálaráðuneytið og Samgöngu- og sveitarstjórnarráðuneytið

Frá 2011 til 2017 fór innanríkisráðuneytið með málefni dómsmálaráðuneytisins. Dómsmálaráðuneytið tók til starfa 1. maí 2017.

Málefni ráðuneytisins

Dómsmálaráðuneyti fer með mál er varða:

• Skipulag, rekstur og starfsmannahald ráðuneytisins.
• Ákæruvald
• Dómstóla, aðra en félagsdóm
• Réttarfar
• Réttaraðstoð
• Refsirétt
• Skaðabótarétt og sanngirnisbætur
• Lögmenn, dómtúlka og skjalaþýðendur, þ.m.t. málefni úrskurðarnefndar lögmanna
• Birtingu laga og stjórnvaldserinda
• Eignarrétt og veðrétt
• Fullnustu refsinga
• Almannavarnir
• Leit og björgun
• Lögreglu og löggæslu
• Sjómælingar og sjókortagerð
• Vopnamál
• Áfengismál, sem ekki heyra undir annað ráðuneyti

• Mannréttindi og mannréttindasáttmála
• Sifjarétt
• Rannsókn á starfsemi vist- og meðferðarheimila fyrir börn
• Persónurétt og persónuvernd
• Erfðarétt, lög um horfna menn og yfirfjárráð, skipti á dánarbúum
• Kirkjugarða, greftrun og líkbrennslu
• Trúmál
• Persónuskilríki, þ.m.t. vegabréf, önnur en diplómatísk
• Ríkisborgararétt.
• Málefni útlendinga, að frátöldum atvinnuleyfum
• Happdrætti, veðmálastarfsemi, talnagetraunir og almennar fjársafnanir.
• Sýslumenn og hreppstjóra.
• Kosningar
• Málefni sjóða og stofnana sem starfa samkvæmt staðfestri skipulagsskrá
• Landhelgisgæslu Íslands

Saga

Frá því að Ísland fékk Stjórnarráð árið 1904 fóru Ráðherrar Íslands með dóms- og kirkjumál þar til sér ráðherra var skipaður 1917, Jón Magnússon.

Ráðuneytið hét dóms- og kirkjumálaráðuneytið fram til 2009, þá var nafninu breytt yfir í dóms­mála- og mannréttindaráðuneytið (2009–2011) og meiri áhersla lögð á verkefni á sviði lýð- og mannréttindamála. Ráðuneytið hélt áfram að sjá um kirkjumál. Auk þess tók ráðuneytið þá við forræði yfir sveitastjórnarkosningum, fasteignamati, neytendamálum, og málum er vörðuð mansal.

Árið 2011 sameinaðist ráðuneytið samgöngu- og sveitar­stjórnar­ráðuneytinu og var þá innanríkisráðuneytið myndað. Innanríkisráðuneytið var svo klofið árið 2017 í dómsmálaráðuneyti og samgöngu- og sveitarstjórnarráðuneyti.

Sjá einnig

• Dómsmálaráðherra Íslands

Tenglar

• Dómsmálaráðuneyti Íslands