Jöklamerla

Jöklamerla
	; Jöklamerla á sótmosa í Washington-fylki í Bandaríkjunum.
Vísindaleg flokkun
Ríki:	Sveppir (Fungi);
Fylking:	Asksveppir (Ascomycota);
Flokkur:	Diskfléttur (Lecanoromycetes);
Ættbálkur:	Glæðubálkur (Teloschistales);
Ætt:	Glæðuætt (Teloschistaceae);
Ættkvísl:	Merlur (Caloplaca);
Tegund:	Jöklamerla (C. nivalis);
Tvínefni
	Caloplaca nivalis;

Jöklamerla (fræðiheiti: Caloplaca nivalis) er tegund fléttna af glæðuætt (Teloschistaceae). Jöklamerla finnst meðal annars á Íslandi þar sem hún vex nær alltaf á mosum yfir klettum, sérstaklega á sótmosa.^[1]

Útlit og búsvæði

Jöklamerla er hrúðurflétta með hvítleitt eða grátt þal og gular askhirslur sem eru 0,3-0,8 mm í þvermál.^[1]

Átta gró eru í hverjum aski. Gróin eru glær, einhólfa eða tvíhólfa og sérstaklega mjó, 23-34 x 4-6,5 µm að stærð.^[1] Jöklamerla líkist þúfumerlu og tírólamerlu í útliti en öruggast er að greina hana frá þeim á gróunum.^[1]

Efnafræði

Fléttur af glæðuætt innihalda yfirleitt gula litarefnið parietín en þó eru ekki þekkt nein fléttuefni í jöklamerlu.^[1]

Þalsvörun jöklamerlu er K- fyrir þalið en askhirslur eru K+ vínrauðar, C-, KC- og P-.^[1]

Tilvísanir

↑ ^1,0 ^1,1 ^1,2 ^1,3 ^1,4 ^1,5 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8

[HK2016-1] 1,0 ^1,1 ^1,2 ^1,3 ^1,4 ^1,5 Hörður Kristinsson (2016). Íslenskar fléttur. Reykjavík: Hið íslenska bókmenntafélag. ISBN 978-9979-66-347-8

[1]