Bologna-háskóli
Háskólinn í Bologna (ítalska: Alma mater studiorum - Università di Bologna, UNIBO) er rannsóknarháskóli í Bologna á Ítalíu. Hann var stofnaður árið 1088 af samtökum nemenda, er elsti starfandi háskólinn í heimi og fyrsti skólinn sem telst sem æðri menntastofnun. Orðið universitas (háskóli) var búið til við stofnun hans.
| |
| Stofnaður: | 1088 |
| Gerð: | Opinber háskóli |
| Rektor: | Giovanni Molari |
| Nemendafjöldi: | 87.590 |
| Staðsetning: | Bologna, Ítalía |
| Vefsíða | |
Hann er einn af virtustu háskólum Ítalíu. Frá stofnun hefur hann laðað að sér fjölda fræðimanna, kennara og námsmanna frá allri Ítalíu og heiminum öllum. Hann hefur fest sig í sessi sem ein helsta miðstöð menntunar á alþjóðavísu.
Hann var fyrsti námsstaðurinn sem notaði hugtakið universitas um félag nemenda og meistara, sem kom til með að skilgreina stofnunina (sérstaklega fræga lagadeild hans) sem staðsett er í Bologna. Merki háskólans ber kjörorðið Alma mater studiorum („Nærandi móðir námsins“) og ártalið 1088 e.Kr. Um 87.500 nemendur sækja 11 skóla háskólans. Háskólasvæði skólans eru í Cesena, Forlì, Ravenna og Rimini auk erlends útibús í Búenos Aíres, Argentínu. Innan háskólans er einnig afburðaskóli sem heitir Collegio Superiore di Bologna.
Háskólinn í Bologna var sá fyrsti til að veita konu prófgráðu og kennarastöðu árið, Bettisia Gozzadini, sem og að veita fyrstu konunni bæði doktorsgráðu í vísindum og launaða stöðu sem háskólaprófessor, Laura Bassi.