3. deild karla í knattspyrnu 1968

3. deild karla í knattspyrnu var haldin í þriðja sinn árið 1968. Leikið var í þremur riðlum, þar á meðal einum sem alfarið var skipaður félögum frá Austurlandi og kepptu sigurvegararnir sín á milli ásamt neðsta liði 2. deildar um tvö laus sæti í næstefstu deild að ári, var það fyrirkomulag viðhaft vegna fjölgunar liða í efstu deild. Völsungur og Héraðsamband Snæfellsnes og Hnappadalssýslu hrepptu sætin tvö.

A-riðill

Ungtemplarafélagið Hrönn varð fyrsta Reykjavíkurfélagið til að taka þátt í keppni í þriðju deild. Snæfellingar höfðu talsverða yfirburði og unnu alla leiki sína í riðlinum.

Sæti	Félag	L	U	T	Sk	Fe	Mm	Stig
1	HSH	6	6	0	23	10	+13	12
2	Víðir Garði	6	3	3	17	3	+4	6
3	Njarðvík	6	2	4	13	18	-5	4
4	Hrönn Reykjavík	6	1	5	17	29	-12	2

B-riðill

Íþróttafélagið Stefnir frá Súgandafirði hætti keppni. Ekki varð ljóst fyrr en vel var liðið á sumar hvernig riðillinn yrði endanlega skipaður þar sem Knattspyrnufélag Siglufjarðar og Íþróttabandalag Ísafjarðar áttu eftir að útkljá hvort félagið félli niður um deild frá fyrra ári.

Sæti	Félag	L	U	T	Sk	Fe	Mm	Stig
1	Völsungur	4	3	1	11	6	+5	6
2	Knattspyrnufélag Siglufjarðar	3	1	2	5	5	0	2
3	Reynir Sandgerði	3	1	2	2	7	-5	2

C-riðill

Fimm lið kepptu í Austurlandsriðli 3. deildar en Ungmennafélag Stöðfirðinga og Huginn Seyðisfirði drógu sig úr keppni.

Sæti	Félag	L	U	J	T	Sk	Fe	Mm	Stig
1	Þróttur Neskaupstað	4	3	0	1	7	3	+4	6
2	Austri Eskifirði	4	2	1	1	5	3	+2	5
3	Leiknir Fáskrúðsfirði	4	2	0	2	8	7	+1	4
4	Spyrnir Héraði	4	1	1	2	5	9	-4	3
5	Hrafnkell Freysgoði	4	1	0	3	4	7	-3	2

Úrslitakeppni

Úrslitakeppni fjögurra liða um tvö laus sæti fór fram á þremur dögum, 19.-21. ágúst á Melavelli og Hafnarfjarðarvelli. Völsungar og Snæfellingar tryggðu sér tvö efstu sætin, þeir síðarnefndu með 1:1 jafntefli gegn Ísfirðingum í lokaleik. Ekki tókst þó að láta úrslitaleikinn um 3. deildarmeistaratitilinn fara fram fyrr en í júlí árið eftir og urðu Húsvíkingar þar hlutskarpastir.

Sæti	Félag	L	U	J	T	Sk	Fe	Mm	Stig
1	Völsungur	3	2	0	1	9	5	+4	4
2	HSH	3	1	2	0	6	4	+2	4
3	Íþróttabandalag Ísafjarðar	3	1	1	1	4	5	-1	3
3	Þróttur Neskaupstað	3	0	1	2	5	10	-5	1