Ýr (breiðskífa)

Ýr er heiti á breiðskífu ísfirsku hljómsveitarinnar Ýr og kom út rétt fyrir jólin 1975 hjá ÁÁ Records. Breiðskífan inniheldur 11 lög, sungin á íslensku og ensku. Plötuumslagið teiknaði Þorsteinn Eggertsson textahöfundur og listamaður. Breiðskífan var tekin upp í Soundtek hljóðverinu í New York árið 1975 og Jakob Magnússon tónlistarmaður stjórnaði upptöku. Með í för voru tónlistarmenn á vegum Jakobs, úr hljómsveit hans The White Backman trio eða Hvítárbakkatríóinu sem hann hélt úti í nokkur ár. Þeir eru: Alan Murphy gítarleikari, Preston Hayman ásláttarleikari, John Gibbings banjóleikari og Steve Scheffer vélamaður. Þeir félagar ásamt Jakobi störfuðu þá á sama tíma með tónlistarmanninum Long John Baldry þeim sama og söng lagið She Broke My Heart á breiðskífu Stuðmanna, Sumar á Sýrlandi

Lagalisti

1. Kanínan. Lag: Óþekktur höfundur. Texti: Reynir Guðmundsson.
2. Upp fjallið. Lag og Texti: Jakob Magnússon.
3. Óður ellibelgsins. Lag: Sigurður Rósi Sigurðsson. Texti: Reynir Guðmundsson og Sigurður Rósi Sigurðsson.
4. Kántrívísur. Lag: Sigurður Rósi Sigurðsson. Texti: Hanna Lára Gunnarsdóttir.
5. Stálfjörður. Lag og texti: Jakob Magnússon.
6. Lífið er svo létt. Lag: Sigurður Rósi Sigurðsson. Texti: Hanna Lára Gunnarsdóttir.
7. Maríuhænan. Lag: Sigurður Rósi Sigurðsson. Texti: Gunnar Kári Magnússon.
8. Harmsaga æfi minnar. Lag og texti: Reynir Guðmundsson.
9. Flóra og Laddi. Lag og texti: Reynir Guðmundsson.
10. Togum í Teit. Lag: Gunnar Överby. Texti: Ýr.
11. Niðurblálag. Lag og texti: Hálfdán Hauksson.