Wikipediaspjall:Wikimedia Ísland/Samþykkt

3. gr: að safna saman og þróa fræðsluefni sem fellur undir frjálst afnotaleyfi eða er ekki háð íþyngjandi skilyrðum höfundaréttar þannig að dreifing þess sé sem auðveldust og nái sem víðast.

Ég var búinn að benda á þetta á hinu spjallinu en hver er ástæðan fyrir að láta ekki frjálst afnotaleyfi duga? Eru menn að reyna taka tillit til fair use þarna? --Ævar Arnfjörð Bjarmason 7. mars 2008 kl. 17:50 (UTC)

Ég held að ég hafi frekar verið að hugsa um efni í almenningi. En það er kannski sjálfgefið og þarf ekki að taka fram sérstaklega? Það er mér að meinalausu að seinni hluti setningarinnar víki. --7. mars 2008 kl. 22:01 (UTC)

7. gr.: [...] Formaður boðar stjórnarmenn á stjórnarfundi þegar þurfa þykir.

Er ekki ástæða til að tilgreina fyrirvara á boðun þessari? --Ævar Arnfjörð Bjarmason 7. mars 2008 kl. 17:50 (UTC)

Tja. Við getum sett „hæfilegan fyrirvara“ þarna inn. Ég er ekki viss um að það sé sniðugt að niðurnjörva þetta of mikið. Ég reikna líka með því að stjórnarfundir verði yfirleitt frekar óformlegir og fari fram rafrænt þannig að það er varla þörf á mjög löngum fyrirvara. --Bjarki 7. mars 2008 kl. 22:01 (UTC)

8. gr: [...] Aðeins félagsmenn mega vera þátttakendur í aðalfundi.

Hví er þörf á að tilgreina þetta? Er einhver ástæða fyrir því að halda ekki opna aðalfundi? --Ævar Arnfjörð Bjarmason 7. mars 2008 kl. 17:50 (UTC)

Spurning um áheyrnar-, tillögu- og atkvæðisrétt á aðalfundi. Viljum við hafa það opið þeim sem ekki hafa greitt félagsgjöld? --Akigka 7. mars 2008 kl. 17:54 (UTC)

Mér finnst full strangt að meina öðrum en þeim sem hafa greitt félagsgjald aðgang að aðalfundi. Hvernig eigum við annars að fá inn nýtt blóð? Sama gildir um að borga félagsgjald, mætti s.s. greiða það á fundinum sjálfum. — Jóna Þórunn 7. mars 2008 kl. 17:57 (UTC)

Hver sem er ætti að geta lagt fram tillögu eða hlustað á fundinn og væri hægt að forða öllu tjóni þar með fundarstjóra. Hægt er að kanna skilríki (stafræn eða önnur) við atkvæðagreiðslu. --Ævar Arnfjörð Bjarmason 7. mars 2008 kl. 18:06 (UTC)

Ég styð það að hver sem er hafi áheyrnar- og tillögurétt á aðalfundum. Atkvæðisréttur er þó augljóslega bundinn við félagsmenn. Það ætti þá líka að vera ákvæði um það að hægt sé að loka aðgangi að fundi ef félagsmenn fara fram á það ef það á að ræða einhverja stórhættulega skandala. --Bjarki 7. mars 2008 kl. 22:01 (UTC)

9. gr. [...] og skal það innheimt fyrir aðalfund ár hvert.

Má það ekki vera á aðalfundi? s.s. fyrir eða á

Aftur spurning um hver hefur atkvæðisrétt á aðalfundi. Í mörgum félögum er skilyrði að vera búinn að greiða félagsgjöld til að hafa atkvæðisrétt. --Akigka 7. mars 2008 kl. 17:54 (UTC)

Vissulega ættum við að gera þetta sem fyrsta atriði á fundinum og kanna hvort atkvæðahafar eru meðlimir í hvívetna. Ég vildi bara ekki að þetta hljómaði svo að ekki væri hægt að mæta á aðalfund og ganga í félagið, eða greiða félagsgjöld fyrir árið við það tækifæri. --Ævar Arnfjörð Bjarmason 7. mars 2008 kl. 18:04 (UTC)

Ég held að það þyrfti að gerast áður en fundurinn er settur. Allt í lagi að boðið sé upp á skráningu í félagið á staðnum (og greiðslu árgjalds) áður en fundurinn hefst á sama stað og hann fer fram. Það er vissulega áður en aðalfundur fer fram. --Bjarki 7. mars 2008 kl. 22:01 (UTC)

Enn fremur ættum við að bæta við (í egin lög?) að aðalsamskiptaleið félagsins verði póstlisti þess hýstur á lists.wikimedia.org. Reyndar sé ég enga ástæðu fyrir því að mikilvægar ákvarðanir og jafnvel kosningar geti verið teknar þar (sjá PGP) til hentugleika fyrir félagsmenn sem komast ekki á fundi á Reykjarvíkursvæðinu þegar þeir eru haldnir. --Ævar Arnfjörð Bjarmason 7. mars 2008 kl. 17:50 (UTC)

Það er prýðishugmynd, ef hún stenst venjuleg íslensk lög um félög. --Akigka 7. mars 2008 kl. 17:54 (UTC)

Hvar eru þau lög annars? Ég finn ekkert nema þetta .doc sýnishorn sema varla hefur neitt lagalegt gildi. --Ævar Arnfjörð Bjarmason 7. mars 2008 kl. 18:17 (UTC)

Segir nokkuð. Kannski eru þau ekki til :) Félögum á Íslandi er nokkurn veginn frjálst að setja sér þau lög sem þeim sýnist og sem ekki stangast á við önnur lög held ég. Væri ráð að spyrja einhverja lögfróða út af þessu. --Akigka 7. mars 2008 kl. 18:43 (UTC)

Það eru engin sérstök lög um svona áhugamannafélög og þau mega hafa þetta nokkurnveginn eins og þau vilja. Það verður miklu meira atriði að fá WMF til þess að samþykkja lögin en að fá opinbera skráningu á félaginu hjá yfirvöldum. Ég held að það sé í góðu lagi að leyfa rafrænar kosningar, það er jafnvel verið að tala um þetta í hlutafélögum þó að ég sjái enga beina heimild fyrir því í hlutafélagalögum. Þá getum við nú gert þetta með áhugamannafélagið okkar. --Bjarki 7. mars 2008 kl. 22:01 (UTC)

Ef við þurfum ekkert að fylgja þessu sniði sem gefið er upp hjá ríkisskattstjóra er ekki betra að þýða og staðfæra lög sem eru til fyrir staðbundin Wikimedia samtök t.d. þau Bandarísku eða einhver af norðurlöndunum í stað þess að byrja með snið ætlað fyrir félög almennt á Íslandi? --Ævar Arnfjörð Bjarmason 8. mars 2008 kl. 02:07 (UTC)

Félagið okkar verður íslenskt félag og það ætti að fylgja hefðum varðandi íslensk félög. Svo finnst mér þetta snið frá ríkisskattstjóra bara svo mikið betra en allt annað sem ég hef séð, ekkert verið að flækja hlutina að óþörfu. --Bjarki 8. mars 2008 kl. 04:37 (UTC)

4.6. Á félagsfundi getur félagsmaður borið upp vantraust á meðlim eða meðlimi stjórnar. Tillaga hans þarf að hljóta samþykki 2/3 fundarmanna til að hún nái fram að ganga enda sé a.m.k. 1/10 félagsmanna á félagsfundinum.

Það er ekki ljóst hvað gerist ef vantraust er samþykkt. Líklega þyrfti þá að halda nýjan aðalfund? --Jabbi (spjall) 17. júní 2012 kl. 23:07 (UTC)

Er ekki líklegast að stjórninni beri að stíga frá og haldin sé ný kosning til stjórnar innan ákveðins tíma? --Jabbi (spjall) 5. maí 2013 kl. 20:29 (UTC)

1.3.1. Tilgangur félagsins er að framfylgja markmiðum Wikimedia Foundation á Íslandi. Þau markmið eru að gera fólki um allan heim kleift, og hvetja það til, að safna saman og þróa fræðsluefni sem fellur undir frjálst afnotaleyfi þannig að dreifing þess sé sem auðveldust og nái sem víðast.

Legg til að „markmiðum Wikimedia Foundation á Íslandi“ verði breytt í „markmiðum Wikimedia Foundation á íslenska tungumálinu“. Þannig er í lögum danska WMDK talað um „på dansk, færøsk & grønlandsk“. --Jabbi (spjall) 17. júní 2012 kl. 23:11 (UTC)

Er þetta komið

Eftir hverju erum við að bíða, hvað á eftir að gera? --Stefán Örvarr Sigmundsson 3. maí 2008 kl. 04:05 (UTC)