Wikipedia:Skemmdarverk
 |
Þessi síða
lýsir samþykkt sem gildir á íslensku Wikipediu og allir notendur ættu að virða eins og kostur er. Ekki breyta henni í ósátt við aðra notendur. |
Skemmdarverk kallast það þegar efni er sett inn, fjarlægt eða breytt hátt til að gera lítið úr heilindum Wikipedíu. Slík hegðun kann að vera skráð á spjallsíðu notanda, einkum vistfangs, af möppudýri sem formleg áminning. Þessi hegðun hefur oft með sér í för bönnun notanda eða vistfangs.
Ýmsar breytingar sem flokkast undir skemmdarverk:
- Eyða miklu efni úr grein að ástæðulausu eða án augljósrar skýringar: Að fjarlægja heilan kafla eða stóran hluta af texta úr grein, sérstaklega ef efnið er vel grundað, án þess að gefa upp ástæðu.
- Skipta út efni með óviðeigandi eða móðgandi orðum: Að breyta grein og setja inn gífuryrði, ofstæki, hatursorðræðu eða þvíumlíkt.
- Setja inn augljóst bull: Að bæta við algerlega uppdiktuðum staðreyndum, samhengislausum upplýsingum eða augljósu rugli.
- Strípa heila síðu: Að fjarlægja allt efni af síðu og skilja hana eftir auða.
- Setja inn rangar eða villandi upplýsingar af ráðnum hug: Að bæta við upplýsingum sem eru vísvitandi rangar eða samhengislausar til að villa um fyrir lesendum.
- Taka aftur gagnlegar breytingar: Að ógilda gagnlegar breytingar annarra notenda (án rökstuðnings).