Tungnaá
(Endurbeint frá Tungná)
Tungnaá (eða Tungná) er jökulá sem kemur úr vesturhluta Vatnajökuls og fellur til suðvesturs um Tungnaáröræfi uns hún sveigir til norðurs í Tungnárkróki og rennur í gegn um Sigöldulón, Hrauneyjalón, Sporðöldulón og til Þjórsár. Hún er stærsta þverá Þjórsár en árnar tvær koma saman í Sultartangalóni þar sem er virkjunin Sultartangastöð. Áin hefur einnig verið virkjuð við Sigöldu, Hrauneyjafoss og Búðahálsvirkjun. Tvær brýr eru yfir fljótið.
| Tungnaá | |
|---|---|
 Tungnaá við Sigöldufoss | |
| Einkenni | |
| Uppspretta | Vatnajökull |
| Hnit | 64°23′40″N 18°01′07″V / 64.3944°N 18.0186°V |
| Árós | |
• staðsetning | Sultartangalón, í Þjórsá |
| Lengd | 129 km |
| Vatnasvið | 3040 km2 |
| Rennsli | |
| • miðlungs | 100 - 160 m3/sec, í sumar |
| breyta upplýsingum | |
Áin er nefnd -Tuná eða -Túná í öllum fornum heimildum og aðeins fyrst -Tungnaá með Birni Gunnlaugssyni 1844, nafnið, að hún sé kennd við Biskupstungur, gæti því verið misskilin eftiráskýring.