Taishō keisari
Taishō keisari (大正天皇) (31. ágúst 1879 – 25. desember 1926) var 123. keisari Japans samkvæmt hefðbundinni talningu og ríkti frá 30. júlí 1912 til dauðadags árið 1926.
| ||||
.jpg) | ||||
Taishō
大正天皇 | ||||
| Ríkisár | 30. júlí 1912 – 25. desember 1926 | |||
| Skírnarnafn | Yoshihito (睦仁) | |||
| Fæddur | 31. ágúst 1879 | |||
| Tōgū-höll, Akasaka, Tókýó, Japan | ||||
| Dáinn | 25. desember 1926 (47 ára) | |||
| Hayama-keisarasetrinu, Hayama, Kanagawa, Japan | ||||
| Gröf | Fushimi Momoyama no Misasagi (伏見桃山陵), Kýótó | |||
| Undirskrift |  | |||
| Konungsfjölskyldan | ||||
| Faðir | Meiji keisari | |||
| Móðir | Yanagihara Naruko | |||
| Keisaraynja | Teimei | |||
| Börn | Hirohito, Yasuhito, Nobuhito, Takahito | |||
Einkanafn keisarans var Yoshihito (嘉仁). Í Japan er sitjandi keisari ávallt kallaður „keisarinn“ en látinn keisari fær annað nafn, sem er einnig nafn tímabilsins sem valdatíð hans spannaði. Þar sem Yoshihito réð á Taishō-tímabilinu er keisarinn eftir dauða sinn þekktur sem Taishō-keisarinn eða Taishō keisari.
Valdatíð
breytaPrinsinn Yoshihito settist á valdastól þann 30. júlí árið 1912 eftir dauða föður síns, Meiji keisara. Sem keisari kom hann sjaldan fyrir almenningsaugu og hélt sig út af fyrir sig. Yoshihito þjáðist af ýmsum taugasjúkdómum og á öðrum áratugnum hafði honum hrakað svo mjög að hann gat varla sinnt almennum skyldum sínum sem þjóðhöfðingi. Eitt af hinum fáu skiptum sem hann birtist opinberlega og átti að flytja ræðu, á opnun japanska þingsins árið 1913, rúllaði hann útprentaðri ræðunni upp í sívalning og horfði á mannfjöldann í gegnum hann eins og með sjónauka.[1]
Skortur keisarans á persónutöfrum og ræðuhæfni auk geðkvilla hans og annarra bæklana leiddi til þess að virðing fyrir keisaraembættinu beið hnekki og fjöldi manns komst í kast við lögin fyrir að móðga keisarann. Eftir því sem heilsu hans hrakaði hafði keisarinn sífellt minni áhuga á stjórnmálum ríkisins og alkunna varð að embættismenn hans yrðu að taka mikilvægar ákvarðanir fyrir hann.[2] Tveggjaflokkakerfið sem hafði verið að þróast í Japan frá aldamótum náði fullum þroska eftir fyrri heimsstyrjöldina og því var valdatíð Yoshihito stundum kallað „Taishō-lýðræðið“. Vegna óvirkni keisarans færðist pólitískt vald frá hernum til þingsins og borgaralegra stjórnmálaflokka á þessum tíma.[3]
Eftir árið 1918 gat keisarinn ekki lengur birst opinberlega við athafnir hersins eða flotans, árlegar Sjintó-athafnir né jafnvel opnum japanska þingsins.[4] Frá árinu 1919 gegndi keisarinn engu opinberu hlutverki og sonur hans, Hirohito prins, var útnefndur ríkisstjóri til að taka við skyldum hans.[5]
Tilvísanir
breyta- ↑ See Asahi Shinbun, March 14, 2011, among many other reports.
- ↑ Bix, Hirohito and the Making of Modern Japan. Bls. 129
- ↑ Hoffman, Michael (29. júlí 2012), „The Taisho Era: When modernity ruled Japan's masses“, Japan Times, bls. 7, afrit af upprunalegu geymt þann nóvember 2, 2012, sótt apríl 15, 2018
- ↑ Bix, Hirohito and the Making of Modern Japan. Bls. 53
- ↑ Bix, Hirohito and the Making of Modern Japan. Bls. 123
| Fyrirrennari: Meiji |
|
Eftirmaður: Showa | |||