Tölvunet er hópur samtengdra tölva. Tölvunet er hægt að nota til að deila upplýsingum og gögnum á stafrænu formi. Tölvunet er hægt að flokka í flokka eftir stærð og gerð. Með gerð er bæði átt við gerð einingana sem tengir tölvurnar saman og samskiptastaðlana sem tölvurnar nota. Hér á eftir eru nokkrir flokkar tölvuneta eftir stærð:

Mynd af svokölluðu „LAN-partýi" sem er í raun staðarnet með þann eina tilgang að spila tölvuleiki á.

Tegundir breyta

Einstaklingsnet breyta

Einstaklingsnet eru tölvunet sem ná yfir mjög lítið svæði. Dæmi um einstaklingsnet er samtenging tveggja tölva sem eru við hlið hver annarar. Einnig er það oftast einstaklingsnet þegar skipst er á gögnum í gegnum Bluetooth.

Staðarnet breyta

 
Mynd af dæmigerðri uppyggingu staðarnets

Staðarnet eru tölvunet sem ná yfir lítið svæði svo sem heimili, skrifstofu eða skrifstofubyggingar. Uppbygging staðarneta er oftast á þá leið að einn netþjónn sér um uppihald netsins þó einnig séu til aðrar gerðir staðarneta eins og jafningjanet sem styðjast við samskiptastaðla á borð við IP.

Víðnet breyta

Víðnet er skilgreint sem tölvunet sem nær yfir stórt svæði. Víðnet getur samanstaðið af mörgum minni netum, staðarnetum, sem hafa samskipti sín á milli með beinum. Víðnet eru notuð til að sameina mörg önnur net þannig að hægt sé að hafa samskipti á milli þessara annars aðskildu neta, staðarneta.

Heimildir breyta

   Þessi tölvunarfræðigrein er stubbur. Þú getur hjálpað til með því að bæta við greinina.