Suðurpóllinn

Suðurpóllinn er sá punktur, syðst á Jörðinni, þar sem allir lengdarbaugar koma saman og mætast í einum punkti. Ásamt Norðurpólnum er hann sá punktur á jarðkringlunni sem er fjarlægastur miðbaug. Norðmaðurinn Roald Amundsen komst fyrstur manna á Suðurpólinn þann 14. desember 1911.

Landfræðilegi Suðurpóllinn.

Segulsuður

Skammt frá hinum landfræðilega suðurpól er segulsuður sem er sá punktur á jörðinni þar sem allar línur jarðsegulsviðsins beinast 'upp á við' í átt að segulnorðri. Staðsetning segulsuðurs er síbreytileg og sífellt þarf að endurreikna nákvæma staðsetningu þess.

Óaðgengipóllinn - landfræðileg miðja

Sá staður á Suðurskautslandinu þar sem jafnlangt er í allar áttir til strandar Suðurhafsins kallast óaðgengipóllinn. Mun erfiðara er að komast að honum en hinum landfræðilega pól sem er í tæplega 900km fjarlægð. Fyrsti hópur gangandi manna komst á pólinn þann 20. janúar 2007 eftir sjö vikna för en fyrst komust menn að honum árið 1958, þá á vélsleðum.

Tengt efni

• Norðurheimskautið

Tenglar

• „Hver er munurinn á suðurpólnum og Suðurskautslandinu?“. Vísindavefurinn.

  Þessi landafræðigrein er stubbur. Þú getur hjálpað til með því að bæta við greinina.