Hirðingjareynir
Hirðingjareynir er lauffellandi tré eða runni frá Suðvestur-Asíu af reynisætt.
Hirðingjareynir | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|
Vísindaleg flokkun | ||||||||||||||||||||
| ||||||||||||||||||||
Samheiti | ||||||||||||||||||||
Sorbus tianschanica f. violaceocarminata N.N. Bugaev |
Lýsing breyta
Hirðingjareynir er lauffellandi runni eða lítið tré, allt að 10 m. hátt. Ársprotar mjög mikið glansandi, rauðbrúnir. Brum eru keilulaga, dúnhærð, allt að 10 mm, með hvít hár, einkum í oddinn og á jöðrum brumhlífarblaðanna. Blöðin eru fjaðurlaga, 13-15 sm með 5-7 pör af smálaufum. Smáblöðin mjólensulaga, grasgræn, glansandi að ofan. Blómin í gisnum hálfsveip, hvít, sjaldan bleikleit. Berin eru skarlatsrauð, allt að 0,9 sm í þvermál[1] Litningatala er 2n=24.
Uppruni og búsvæði. breyta
SV-Asía, Afghanistan, V-Pakistan, Rússland, Kína (Gansu, Qinghai, Xinjiang). Vex í fjalladölum, oft meðfram ám og í skógarjöðrum í 2000-3200 m hæð.[2] Hirðingjareyni hefur verið sáð á Íslandi og komið í ljós að hann er frekar harðgerður og hefur ekki kalið og fer snemma af stað.[1]
Tilvísanir breyta
- ↑ 1,0 1,1 „Geymd eintak“. Afrit af upprunalegu geymt þann 24. október 2020. Sótt 9. apríl 2016.
- ↑ http://www.efloras.org/florataxon.aspx?flora_id=2&taxon_id=200011720