Skjaldarmerki Laos sýnir þjóðarmusterið Pha That Luang efst fyrir miðju. Þar fyrir neðan til vinstri er stífla sem tákn fyrir virkjunina í Nam Ngun, þar fyrir neðan malbikaður vegur og stíliseraður hrísgrjónaakur. Neðst er hluta af tannhjóli sem tákn iðnaðarins. Til vinstri er áletrað: Friður, sjálfstæði, lýðræði og til hægri: Samstaða, framfarir og neðst fyrir miðju: Alþýðulýðveldið Laos. Allt merkið er umlukt þroskuðum hrísgrjónaöxum.

Skjaldarmerki Laos samkvæmt stjórnarskrá landsins frá 1992

Skjaldarmerkinu var breytt 1991. Tákn kommúnismans, rauða stjarnan og hamar og sigð voru tekin burt og í þess stað kom þjóðarmusterið Pha That Luang.