Silja Bára Ómarsdóttir

Silja Bára R. Ómarsdóttir (f. 23. apríl 1971) er íslenskur alþjóðastjórnmálafræðingur og prófessor við stjórnmálafræðideild Háskóla Íslands. Silja er með BA próf í alþjóðasamskiptum frá Lewis & Clark College og meistarapróf í sömu grein frá Suður-Kaliforníuháskóla í Los Angeles. Silja var meðal frambjóðenda til stjórnlagaþings, árið 2010, og var hún í framhaldinu skipuð í Stjórnlagaráð, þar sem hún var formaður einnar af þremum starfsnefndum ráðsins.

Silja Bára R. Ómarsdóttir
Fædd	23. apríl 1971
Menntun	Lewis & Clark College, Suður-Kaliforníuháskóli.
Störf	Rektor Háskóla Íslands og prófessor í stjórnmálafræði við skólann
Vefsíða	www.siljabara.is

Silja Bára hefur setið sem formaður Rauða Krossins á Íslandi síðan 2022.

Vorið 2025 var Silja Bára í framboði til rektors Háskóla Íslands, bar hún sigur úr býtum með 50,7 prósent atkvæða. Hún mun því hljóta tilnefningu í embætti rektors. Í kjölfarið mun menningar-, nýsköpunar- og háskólaráðherra skipa hana háskólarektor frá 1. júlí 2025.

Tenglar

• Heimasíða Silju Báru

Tilvísanir

  Þetta æviágrip er stubbur. Þú getur hjálpað til með því að bæta við greinina.