Salvör Nordal

Salvör Nordal (fædd 1962) er íslenskur heimspekingur og umboðsmaður barna. Foreldrar hennar eru hjónin Jóhannes Nordal, fv. seðlabankastjóri og Dóra Guðjónsdóttir Nordal píanóleikari.

Íslensk heimspeki Heimspeki 20. aldar, Heimspeki 21. aldar
Nafn:	Salvör Nordal
Fædd/ur:	1962
Skóli/hefð:	femínísk heimspeki, rökgreiningarheimspeki
Helstu ritverk:	Persónuvernd í upplýsingasamfélagi
Helstu viðfangsefni:	siðfræði, réttarheimspeki, stjórnspeki, stóuspeki
Áhrifavaldar:	Hannah Arendt, John Stuart Mill

Menntun

Salvör lauk B.A.-prófi í heimspeki frá Háskóla Íslands árið 1989. Hún lauk M.Phil-prófi í félagslegu réttlæti (e. Social Justice) og doktorsprófi í heimspeki við Calgary-háskólann í Kanada en doktorsritgerðin hennar nefnist Privacy as a Social Concept. Salvör hefur starfað sem lektor við Háskóla Íslands og forstöðumaður Siðfræðistofnunar Háskóla Íslands en er núverandi umboðsmaður barna. Í júlí 2021 hlaut hún framgöngu í stöðu prófessors við sagnfræði- og heimspekideild Háskóla Íslands.

Helstu ritverk

• Velferð barna: Gildismat og ábyrgð samfélags (ritstj. ásamt Sigrúnu Júlíusdóttur og Vilhjálmi Árnasyni) (Reykjavík: Siðfræðistofnun Háskóla Íslands, Háskólaútgáfan, 2010).
• „Siðferði og starfshættir í tengslum við fall íslensku bankanna 2008“ (ásamt Vilhjálmi Árnasyni og Kristínu Ástgeirsdóttur). Í (ritstj. Páll Hreinsson, Sigríður Benediktsdóttir og Tryggvi Gunnarsson) Aðdragandi og orsakir falls íslensku bankanna 2008 og tengdir atburðir (Reykjavík: Rannsóknarnefnd Alþingis, 2010), bls. 7-243.
• Persónuvernd í upplýsingasamfélagi (ritstj.) (Reykjavík: Siðfræðistofnun Háskóla Íslands, Háskólaútgáfan, 2007).
• Hugsað með Mill (ritstj. ásamt Róberti H. Haraldssyni og Vilhjálmi Árnasyni) (Reykjavík: Háskólaútgáfan, 2007).
• Hugsað með Páli (ritstj. ásamt Róberti H. Haraldssyni og Vilhjálmi Árnasyni) (Reykjavík: Háskólaútgáfan, 2005).
• Ástarspekt: greinar um heimspeki e. Stefán Snævarr (ritstj.) (Reykjavík: Hið íslenska bókmenntafélag, 2004).
• Blood and data: ethical, legal and social aspects of human genetic databases (ritstj. ásamt Garðari Árnasyni og Vilhjálmi Árnasyni) (Reykjavík: Háskólaútgáfan, 2004).
• Siðferðileg álitamál (Reykjavík: ReykjavíkurAkademían, Siðfræðistofnun, 2000).

Tenglar

Vefsíða Salvarar Nordal
Siðfræðistofnun Geymt 13 september 2010 í Wayback Machine

Tilvísanir

  Þetta æviágrip sem tengist heimspeki er stubbur. Þú getur hjálpað til með því að bæta við greinina.