Saxhöfn
(Endurbeint frá Saksun)
Saxhöfn (færeyska: Saksun, eldra færeyskt nafn: Sakshøvn) er gamalt þorp á norðvestur-Straumey í Færeyjum sem rekja má að minnsta kosti til 14. aldar. Það liggur í Saxhafnardal. Íbúar eru nú einungis 10 (2015). Saxhafnarkirkja var byggð árið 1858 en þá var ákveðið að taka kirkjuna í Tjørnuvík í sundur og flytja yfir til Saxhafnar. Dúvugarður er safn gamalla húsa.
![](http://upload.wikimedia.org/wikipedia/commons/thumb/4/40/Saksun.Streymoy.fo.2.jpg/220px-Saksun.Streymoy.fo.2.jpg)
![](http://upload.wikimedia.org/wikipedia/commons/thumb/8/8b/Saksun_on_Faroe_map.png/220px-Saksun_on_Faroe_map.png)
Saxhafnarvatn er skammt frá byggðinni. Vel þekkt gjóskulag, Saksunarvatnsgjóskan, er kennd við vatnið en þar fannst hún fyrst. Þetta er mikilvægt leiðarlag í jarðvegi og setlögum á Íslandi, Færeyjum og víðar við norðanvert Atlantshaf og á hafsbotninum. Það er 10.200 ára gamalt og upprunnið í Grímsvötnum í Vatnajökli.
-
Gömul hús í þorpinu: Dúvugarður.
-
Saxhafnardalur
-
Kirkjan