Opna aðalvalmynd

Sóleyjargata 1 eða Staðastaður er hús í Reykjavík sem hýsir skrifstofur embættis forseta Íslands. Húsið reisti Björn Jónsson árið 1912 eftir teikningu Rögnvaldar Ólafssonar. Björn hafði þá nýlega sagt af sér embætti ráðherra Íslands, en lést fáeinum mánuðum eftir að hafa flutt í húsið. Nafnið Staðastaður var dregið af samnefndum bæ á Snæfellsnesi það sem Elísabet Sveinsdóttir, kona Björns, ólst upp.

Meðal kunnra íbúa hússins áður en það komst í eigu forsetaembættisins má nefna Svein Björnsson, Magnús Guðmundsson, Þorsteinn Sch. Thorsteinsson lyfsala og Kristján Eldjárn.

HeimildBreyta

  • Páll Líndal (1991). Reykjavík: Sögustaður við Sund R-Ö. Örn og Örlygur.