Rúmmál

Rúmmál er hugtak notað yfir umfang hlutar eða svæðis í þrívíðu rúmi. SI-mælieining er rúmmetri, táknaður með $m^{3}$.

Nokkur skref til að finna rúmmál hlutar:

1. Finna út lengd, breidd, og hæð hlutar og hafa í sömu lengdareiningu.
2. Margfalda það saman. Út kemur rúmmál í þessari rúmeiningu.
3. Einfalda tölurnar ef þarf.

Fyrir hverja lengri lengdareiningu, þá skal færa kommuna um þrjá tölustafi til vinstri. Fyrir hverja styttri lengdareiningu, þá skal færa kommuna um 3 tölur til hægri. T.d. er 1 $cm^{3}$ = 1000 $mm^{3}$ en annars er cm eingöngu 10 sinnum stærri en mm.

Rúmmál yfir í lítra

Rúmmálseiningin lítri er algeng lagarmálseining, en hann er skilgreindur þannig:

1 $m^{3}$ = 1000 lítrar

1 $dm^{3}$ = 1 lítri

1 $cm^{3}$ = 0,001 lítri

1 $mm^{3}$ = 0,000001 lítri

Millilítrar

1 $cm^{3}$ = 1 millilítri

Rúmmál ýmissa forma

R = Rúmmál

l = lengd

b = breidd

r = radíus

h = hæð

Ferstrendingur

$R=l\cdot b\cdot h\!$

Sívalningur

$R=h\cdot \pi \cdot r^{2}\!$

Pýramídi

$R={\frac {l\cdot b\cdot h}{3}}\!$

Keila

$R={\frac {h\cdot \pi \cdot r^{2}}{3}}\!$

Kúla

$R={\frac {4\cdot \pi \cdot r^{3}}{3}}\!$

Mælingar og mælitæki

Yfirfallsker er einfalt tæki til að mæla rúmmál hluta eða rúmmetra. Kerið er fyllt af vökva og hlutinn sem mæla á látinn síga ofan í það. Vökvinn sem lekur úr kerinu er mældur og hann gefur þá upp rúmmál hlutarins í millilítrum.