Pollurinn (Skutulsfirði)

Pollurinn í Skutulsfirði er innan eða suðvestan af Skutulsfjarðareyri sem gengur fram af Eyrarfjalli . Eyrin gengur út í um miðjan fjörð, sveigir síðan inn fjörðinn og afmarkar þannig ásamt Eyrarfjalli þrjár hliðar Pollsins. Pollurinn er um 4,5 km² að flatarmáli og 10 til 20 m djúpur en dýpi norðan eyrarinnar er innan við 5 m. Skutulsfjarðareyri myndast, eins og aðrar eyrar í fjörðum, þar sem hindrun verður á setflutningi inn fjörðinn vegna fyrirstöðu svo sem grynninga. Sá hluti eyrarinnar sem liggur inn með firðinum myndaðist með vegna þess við austanverðan Skutulsfjörð og norður af eyrarinni er um 10 m djúpur áll sem veldur því að þar fer aldan hraðar inn fjörðinn en sveigir svo að landi og myndar tangann þegar hún lendir á eyrinni. Aðal hindrunin í vestan verðum Skutulsfirði sem leiðir til myndunar eyrarinnar er er jökulgarður sem einnig má sjá í hliðum Eyrarfjalls.