Pólýfónkórinn og Kórskólinn – Jólalög og kirkjuleg verk

*Pólýfónkórinn og Kórskólinn – Jólalög og kirkjuleg verk*
Pólýfónkórinn og Kórskólinn – Jólalög og kirkjuleg verk
POL.017
Flytjandi	Pólýfónkórinn, Kórskóli Pólýfónkórsins, Ingólfur Guðbrandsson
Gefin út	Nóvember 2010
Stefna	Klassík, jólalög
Útgefandi	Pólýfónkórinn - Pólýfónfélagið

Pólýfónkórinn og Kórskólinn – Jólalög og kirkjuleg verk er geisladiskur gefinn út af Pólýfónkórnum^[1] árið 2010. Um er að ræða disk með 27 jólalögum sem Pólýfónkórinn söng við ýmis tækifæri og tekin voru upp af Ríkisútvarpinu á tímabilinu 1961-1972. Efnið var tekið upp í Kristskirkju, Þjóðleikhúsinu og í Háskólabíói. Í nokkrum laganna syngja nemendur úr Kórskóla Pólýfónkórsins með kórnum. Stjórnandi: Ingólfur Guðbrandsson. Bjarni Rúnar Bjarnason sá um endurvinnslu á tónböndum úr safni Ríkisútvarpsins. Myndbandavinnslan & Hljóðriti sá um framleiðslu sem fór fram í Danmörku.

Um upptökurnar

Í bæklingi með geisladiski kemur fram að:

Lög nr. 1-4 eru tekin upp á jólatónleikum i Kristskirkju í desember 1961.
Lag nr. 5 er tekið upp í Þjóðleikhúsinu í september 1964, en þar söng Pólýfónkórinn á samkomu Lútherska heimssambandsins.
Lög nr. 6-15 eru tekin upp í Kristskirkju fyrir sjónvarpsdagskrá með Pólýfónkórnum, sem flutt var 1967 og 1968. Hér er um að ræða safn laga sem kórinn flutti áður á tónleikum og eru til í eldri upptökum.
Lög nr. 16-17 eru tekin upp í Kristskirkju á tónleikum í maí 1971. Þar syngja Pólýfónkórinn og Kórskólinn saman og einnig víxlsöng.
Lög nr. 18-19 eru tekin upp í Kristskirkju í maí 1971. Kórskólinn syngur.
Lög nr. 20-27 voru tekin upp án undirleiks fyrir útvarp í Kristskirkju 1972, en kaflar úr Jólaóratóríu voru fluttir þar á tónleikum með hljómsveit.