Hlynur93

Hlynur Guðmundsson (f. 16. júlí 1993) er fæddur og uppalinn í Vík í Mýrdal, syðsta bæjarfélagi Íslands og hefur búið þar alla sína tíð. Hlynur er sonur þeirra Þorgerðar Einarsdóttur (f.1960) útibússtjóra Arion banka í Vík og Guðmundar Péturs Guðgeirssonar (f.1962) sjálfstætt starfandi bókhaldara. Hlynur hefur alltaf haft mikinn áhuga á stjórnmálum, fyrirtækjastjórnun og hótel- og veitingarekstri. Þessi áhugamál má sjá vel í gegnum náms- og starfsferil hans.

Námsferill

Hlynur gekk í Grunnskóla Mýrdalshrepps og lauk þaðan námi vorið 2009. Eftir Grunnskóla gekk Hlynur í Menntaskólann að Laugarvatni og útskrifaðist þaðan af Náttúrufræðibraut vorið 2013. Í menntaskóla var Hlynur öflugur þátttakandi í félagslífinu þar og var m.a. formaður kórstjórnar kórs Menntaskólans að Laugarvatni í eitt ár[1] og sat einnig í umhverfisnefnd skólans það ár sem að hann hlaut loks Grænfánann[2] . Eftir menntaskóla tók við nám í Heimspeki, Hagfræði og Stjórnmálafræði við Háskólann á Bifröst (2013-...).

Starfsferill

Hlynur hefur starfað í sumarvinnu síðan árið 2004. Hlynur hóf störf, eins og svo margir aðrir, í bæjarvinnunni í heima bæ sínum, í þessu tilfelli Vík. Eftir eitt sumar í bæjarvinnunni tók Hlynur þá ákvörðun að fara og vinna fyrir kaupfélagið þar í bæ og vann þar sumarið 2005 og 2006. Vorið 2007 hóf Hlynur störf innan E.Guðmundsson samsteypunnar sem samanstendur af bensínstöð, tveimur veitingastöðum og tveimur hótelum. Næstu 7 ár gegndi Hlynur ýmsum stöðum innan samsteypunnar og starfaði síðast sem móttökustjóri á öðru hótelinu.