Norðurlandahúsið

Norðurlandahúsið er stofnun hýst í samnefndu húsi í Þórshöfn, sem á að stuðla að og efla menningu Færeyja og hinna Norðurlandanna.

Norðurlandahúsið í Færeyjum.

Byggingin var hönnuð af Ola Steen og Kolbrúnu Ragnarsdóttur, fullbyggð 1983 og opnuð almenningi sama árs. Þar má finna kaffihús, leikhús og sali sem leigðir eru út til listsýninga og menningaratburða.

Arkitektúr

Innblástur byggingarinnar kemur frá heimkynnum álfa úr þjóðsögunum. Byggingin hefur 2000 m² torflagt þak. Inni í byggingunni er stórt anddyri klætt flögubergi frá Noregi. Opnum svæðum hússins er hægt að skipta niður eða sameina með ljósum, hljóðkerfum og veggjum. Öll herbergin eru lýst upp, fyrir utan 800 m² sal. Burðarveggur byggingarinnar er í salnum og er úr steinsteypu. Aðrir veggir byggingarinnar eru úr stáli. Efniviður byggingarinnar kemur víðsvegar að af Norðurlöndum. Gólf herbergjanna eru úr sænskri furu, loftið úr dönskum aski og hurðirnar úr finnsku birki.

Tengt efni

• Norræna húsið í Reykjavík

Heimildir

• Fyrirmynd greinarinnar var „Nordic House in the Faroe Islands“ á ensku útgáfu Wikipedia. Sótt 13. apríl 2011.