Nýfundnalandsveðrið

Nýfundnalandsveðrið eða Júlíveðrið er óveður og ísingaveður sem brast á út á sjó á Nýfundnalandsmiðum í febrúar 1959. Margir íslenskir síðutogarar voru þá á karfaveiðum á Nýfundnalandsmiðum. Togarinn Júlí fórst en seinast var skeytasamband við togarann sunnudagskvöldið 8. febrúar. Togarinn Þorkell máni var mjög hætt kominn en skipverjar þar náðu að halda skipinu á floti með að berja af ísinn og skera burt björgunarbáta.

Heimildir

• Steinar J. Lúðvíksson, Þrautgóðir á raunastund 14. bindi - Nýfundnalandsveðrið 1959
• "Enn þann dag í dag er mér illa við að sjá ísingu" Sjómannadagsblaðið, 1. Tölublað (01.06.1996), Blaðsíða 26
• Í sjávarháska við Nýfundnaland, Sjómannablaðið Víkingur, 2. Tölublað (01.06.2005), Blaðsíða 26
• Öll von er talin úti um að Júlí sé lengur ofansjávar, Morgunblaðið, 40. tölublað (18.02.1959), Blaðsíða 1