Mozilla Firefox eða einfaldlega Firefox (áður þekktur sem Phoenix og Mozilla Firebird) er frjáls vafri, þróaður af Mozilla Foundation og hundruðum sjálfboðaliða. Vafrinn, sem fellur undir hugtakið opinn hugbúnaður, á að mæta þörf fólks á vafra sem er hraður og einfaldur. Firefox býr einnig yfir viðbótarkerfi sem gerir fólki mögulegt að sníða vafrann að þörfum sínum. Samkvæmt StatCounter er Firefox árið 2019 annar vinsælasti vinsælasti vafri heims á eftir Chrome á hefðbundnum PC tölvum.[1]

Mozilla Firefox

Firefox 57.0 á Windows 10
HöfundurMozilla Corporation
HönnuðurMozilla Corporation
Mozilla Foundation
Fyrst gefið út9. nóvember, 2004
Nýjasta útgáfa111.0.1 / 21. mars 2023 og 102.9.0esr
StýrikerfiLinux
Windows 7 og nýrra
macOS 10.12 eða nýrra
Android 5.0 eða nýrra
iOS 13.0 eða nýrra
Tungumál í boði97 tungumál
Notkun Vafri
Vefsíða www.mozilla.com/firefox

Notkun á Firefox jókst upp í mest 32.21% í nóvember 2009, þegar Firefox 3.5 varð vinsælli en Internet Explorer 7, en þó ekki vinsælli en allar útgáfur af Internet Explorer til samans.[2]

Óopinberar útgáfur af vafranum er til fyrir ýmis stýrikerfi t.d. FreeBSD,[3] OpenBSD,[4] NetBSD,[5] illumos[6] og Solaris Unix.[7]

 
Forsíða íslensku Wikipediunnar á Firefox sem keyrir á tölvu með Ubuntu Netbook Remix

Firefox byrjaði sem tilraun hjá Dave Hyatt og Blake Ross í Mozilla-verkefninu. Þann 3. apríl 2003 kynnti Mozilla Organization að þeir ætluðu að breyta áherslunni frá Mozilla Suite í Firefox og Thunderbird. Verkefnið hefur síðan skipt um nafn nokkrum sinnum. Í upphafi hét það Phoenix en var endurnefnt út af Phoenix Technologies. Í staðinn kom Firebird en var skipt yfir í Mozilla Firebird til að rugla ekki saman við Firebird free database software project. Vegna pressu frá Firebird skiptu þeir þann 9. febrúar yfir í Mozilla Firefox.

Firefox var í mörgum útgáfum áður en útgáfan 1.0 kom út þann 9. nóvember 2004. 24. október 2006 gaf Mozilla út Firefox 2.

Firefox er sá vafri sem lengst af studdi Windows XP (af stóru nöfnunum í vafraheiminum). T.d. hætti Microsoft að styðja Windows XP fyrr.

Annað

breyta

Heimildir

breyta
  1. https://gs.statcounter.com/browser-market-share/desktop/worldwide/
  2. „Browser Market Share Worldwide“. StatCounter Global Stats. Sótt 5. september 2022.
  3. „FreeBSD ports“. Afrit af uppruna á 23. mars 2019. Sótt 24. mars 2018.
  4. „OpenBSD ports“. Afrit af uppruna á 20. janúar 2019. Sótt 24. mars 2018.
  5. „NetBSD pkgsrc“. Afrit af uppruna á 1. nóvember 2018. Sótt 31. október 2018.
  6. „OpenIndiana Wiki“. Afrit af uppruna á 1. nóvember 2018. Sótt 31. október 2018.
  7. „Open Source software in Solaris, Github“. GitHub. Afrit af uppruna á 31. desember 2018. Sótt 31. október 2018.

Tenglar

breyta
   Þessi hugbúnaðargrein er stubbur. Þú getur hjálpað til með því að bæta við greinina.