Mark Lanegan

Mark William Lanegan (fæddur 25. nóvember 1964; d. 22. febrúar 2022) var bandarískur tónlistarmaður og lagahöfundur frá Washingtonfylki. Hann var þekktur fyrir djúpa baritón rödd sína.

Lanegan hóf ferilinn með hljómsveitinni Screaming Trees á níunda áratugnum. Sú sveit taldist till gruggrokksins árla á 10. áratugnum sem þá var áberandi í rokkheiminum. Lagið Nearly Lost You sló í gegn með þeim árið 1992. Screaming Trees liðaðist í sundur smám saman og Lanegan fór að einbeita sér meira að sólóferli. Hann tók þátt í ýmsum hljómsveitum og verkefnum samhliða því og söng meðal annars í hljómsveitinni Mad Season (með meðlimum Pearl Jam og Alice in Chains).

Hann var meðlimur Queens of the Stone Age 2001-2005 og söng á fimm plötum þeirra. Einnig vann hann með Isobel Campbell fyrrum söngkonu Belle and Sebastian og breska tvíeykinu Soulsavers.

Stílar sem Lanegan hafði í sinni tónlistargerð eru til dæmis: Grugg, jaðarrokk, þjóðlagatónlist og blús.

Lanegan spilaði á tvennum tónleikum í Fríkirkjunni haustið 2013.

Mark Lanegan lést í febrúar 2022 í Killarney á Írlandi, 57 ára gamall.

Útgáfur

Screaming Trees

Clairvoyance (1986)
Even If and Especially When (1987)
Invisible Lantern (1988)
Buzz Factory (1989)
Uncle Anesthesia (1991)
Sweet Oblivion (1992)
Dust (1996)
Last Words: The Final Recordings (2011)

Mad season

Above (1995)

Sólóplötur

The Winding Sheet (1990)
Whiskey for the Holy Ghost (1994)
Scraps at Midnight (1998)
I'll Take Care of You (1999)
Field Songs (2001)
Bubblegum (2004)
Blues Funeral (2012)
Imitations (2013)
Phantom Radio (2014)
Houston Publishing Demos 2002 (2015)
Gargoyle (2017)
Somebody's Knocking (2019)
Straight Songs of Sorrow (2020)

Með Isobel Campbell

Ballad of the Broken Seas (2005)
Sunday at Devil Dirt (2008)
Hawk (2010)

Með Soulsavers

It's Not How Far You Fall, It's the Way You Land (2007)
Broken (2009)

Gutter Twins

Saturnalia (2008)

með Duke Garwood

Black Pudding (2013)
With Animals (2018)