Malarás

Malarás er sand- og malarhryggur sem jökulvatn hefur skilið eftir sig í farvegi undir jökli og verður síðan eftir þegar jökullinn bráðnar. Malarásarnir eru því setmyndun jökulár við hörfandi jökul. Eitt af mörgu, sem er til marks um að jöklar hafi í eina tíð hulið landsvæði sem nú eru örísa, eru malarásarnir. Langur malarás liggur til dæmis eftir endilöngum Kaldadal.

Ormur Ólafs helga í Noregi. Malarás frá síðustu ísöld

Krákustígsás er sjaldgæf gerð malarása sem talið er að myndist þegar bræðsluvatn ryðst eftir sprungum í kjölfar framhlaups jökuls og ryður upp möl og sandi. Krákustígsásar sjást á Íslandi einungis við Eyjabakkajökul og Brúarjökul.

Tengt efni

• Hvalbak

Tilvísanir

  Þessi jarðfræðigrein er stubbur. Þú getur hjálpað til með því að bæta við greinina.