Lindarbær

Lindarbær er hús í miðborg Reykjavíkur og stendur við horn Lindargötu og Skuggasunds. Áður var húsið skráð sem Lindargata 9 en telst nú vera Skuggasund 1. Húsið var byggt árið 1943 fyrir starfsemi gosdrykkjaframleiðandans Sanitas en árið 1964 keyptu Verkamannafélagið Dagsbrún og Sjómannafélag Reykjavíkur húsið. Félögin nýttu húsnæðið undir skrifstofu- og félagsaðstöðu auk þess sem hluti hússins var leigður út. Meðal leigjanda má nefna Þjóðleikhúsið sem útbjó lítið leiksvið í Lindarbæ og var með sýningar þar frá 1964-1973. Húsið var einnig vinsælt til ýmis konar viðburða og algengt var að félagasamtök leigðu aðstöðu í húsinu til fundahalda.

Dagsbrún og Sjómannafélagið seldu ríkinu húsnæðið árið 1996 og síðan þá hefur ýmis starfsemi á vegum hins opinbera verið til húsa í Lindarbæ, t.d. Leiklistarskóli Íslands, Nemendaleikhúsið, Fyrirtækjaskrá, Einkaleyfastofa, Efnahagsskrifstofa fjármálaráðuneytisins og nú er Umhverfis- og auðlindaráðuneytið staðsett í húsnæðinu.