Lilja Björk Einarsdóttir

Lilja Björk Einarsdóttir er íslenskur verkfræðingur og hefur verið bankastjóri Landsbankans frá árinu 2017.

Lilja Björk lauk námi í véla- og iðnaðar­verk­fræði frá Há­skóla Íslands árið 1998 og árið 2003 útskrifaðist hún með meist­ara­próf í fjár­mála­verk­fræði frá Michigan há­skóla í Bandaríkjunum.

Frá 2008 til 2016 stýrði Lilja starf­semi, eignaum­sýslu og end­ur­heimt eigna gamla Lands­banka Íslands í London. Á ár­un­um 2005 til 2008 var hún sér­fræðing­ur og framkvæmda­stjóri hjá Lands­banka Íslands hf. í London og bar m.a. ábyrgð á dag­leg­um rekstri og upp­bygg­ingu stoðdeilda. Lilja var ráðin bankastjóri Landsbankans árið 2017 og var valin úr hópi 43 umsækjenda.[1]

Í fjölmiðlum hefur Lilja Björk vísað á bug orðrómi um tengsl hennar eða ábyrgð á Icesave reikningum Landsbankans í London er hún starfaði fyrir bankann á árunum fyrir bankahrun.[2]

Lilja er gift Júlí­usi Atla­syni verk­fræðingi og eiga þau þrjú börn.[1]

TilvísanirBreyta

  1. 1,0 1,1 Mbl.is, „Lilja Björk bankastjóri Landsbankans“ (skoðað 28. september 2019)
  2. Vb.is, „Eins og að koma heim“ (skoðað 28. september 2019)