Kirkjusandur
Kirkjusandur er strandlengja í Reykjavík frá Rauðarárvík til Laugarness. Þegar vegur var lagður inn í Laugarnes, Laugarnesvegur þá varð Kirkjusandur miðstöð fiskvinnslu. Þar voru starfræktar fiskverkunarstöðvar frá því á seinni hluta 19. aldar og langt fram á þá 20. öld. Heitur lækur kom upp í Þvottalaugunum, á svæði sem nú er nefnt Laugardalur og rann lækurinn til norðvesturs á svipuðum slóðum og samnefnd gata Laugalækur liggur nú og féll til sjávar á Kirkjusandi.
