„Óðinn“: Munur á milli breytinga

Þegar [[æsir]] og [[vanir]] sömdu frið spýttu þeir allir hráka sínum í ker og sköpuðu þannig spakvitran jötun, [[Kvasir]] að nafni. Síðar drápu tveir dvergar Kvasi, blönduðu blóði hans saman við hunang og bjuggu þannig til skáldamjöðurinn sem fyllti þrjú stór keröld. Jötuninn [[Suttungur]] rændi af þeim miðinum og faldi hann í fjalli einu. Óðinn fór þangað til að reyna að ná miðinum og skreið inn í fjallið í ormslíki. Þar lá hann í þrjár nætur með dóttur Suttungs sem gætti mjaðarins og fékk hana til að gefa sér þrjá sopa af miðinum. Í hverjum sopa tæmdi hann eitt keranna. Hann flaug svo í arnarlíki heim í [[Ásgarður|Ásgarð]] og spýtti þar miðinum í ker. Þannig eignuðust goðin [[Skáldskaparmjöður|skáldskaparmjöðinn]].