„Hreyfiseðill“: Munur á milli breytinga

Tilgangur hreyfiseðla er að draga úr áhrifum [[lífsstílssjúkdómar|lífstílssjúkdóma]] og þar með lyfjanotkun, læknaheimsóknum og innlögnum. Þá dregur úr kostnaði heilbrigðisþjónustunnar. Innleiðing hreyfiseðla hófst í Heilsugæslu höfuðborgasvæðisins sem tilraunaverkefni á fimm heilsugæslustöðvum í byrjun árs 2011 og hefur verið innleitt á Akureyri og fleiri heilbrigðisstofnunum síðan. Stefnt er að því að hreyfiseðlar verði komnir í almenna notkun á öllum heilbrigðisstofnunum landsins og hjá sérfræðilæknum í árslok 2016. Velferðarráðuneytið hefur komið að skipulagningu innleiðingarinnar.<ref>[http://www.velferdarraduneyti.is/betri-heilbrigdisthjonusta/almennt/nr/34431 Hreyfiseðlar. Velferðarráðuneytið.]Skoðað 23. nóvember 2015</ref> Markmiðið er að að gera hreyfiseðla hluta af al­mennri heil­brigðisþjón­ustu en til­rauna­verk­efni um notk­un hreyfiseðla telst vera lokið. Inn­leiðing hreyfiseðla á Íslandi bygg­ist á sænskri fyr­ir­mynd en þetta meðferðarform hef­ur náð mik­illi út­breiðslu þar og víðar um lönd á und­an­förn­um árum og þykir ár­ang­urs­rík.<ref>[http://www.mbl.is/frettir/innlent/2014/05/23/hreyfisedlar_hluti_af_heilbrigdisthjonustu/ Hreyfiseðlar verða hluti af al­mennri heil­brigðisþjón­ustu] Skoðað 23. nóvember 2015.</ref>

Læknir leggur mat á hvort einstaklingurinn geti nýtt sér hreyfingu sem hluta af meðferð sinni. Hreyfistjóri eða samhæfingaraðili (sjúkraþjálfarar sem hafa fengið þjálfun í áhugahvetjandi samtali)<ref>[http://www.laeknabladid.is/tolublod/2015/02/03/nr/5446 „Ávísun á hreyfingu verði aðgengilegt meðferðarúrræði fyrir alla lækna" - segir Jón Steinar Jónsson] Skoðað 23. nóvember 2015.</ref> aflar svo nauðsynlegra upplýsinga frá sjúklingi varðandi hreyfingu og velur þau úrræði sem henta sjúklingnum í samráði við hann og útbýr hreyfiáætlun. Í viðtalinu er lagt faglegt mat á stöðu viðkomandi hvað varðar þol, getu, áhugahvöt og áhugasvið og síðan er lögð upp áætlun um hreyfingu, hvernig, hversu oft, hversu lengi og hversu mikil ákefð er hentug. Hann kennir þátttakanda að nota tölvuforrit til skráningar þegar hreyfing er stunduð. Eftirfylgnin á hreyfiseðlinum er síðan í höndum samhæfingaraðila og læknis.<ref>[http://www.hreyfitorg.is/hreyfisedill/ Hreyfiseðill. Hreyfitorg.] Skoðað 23. nóvember 2015.</ref>

Alls var 360 hreyfiseðlum ávísað á 12 mánaða tímabili, frá maí 2013 til maí 2014. Verkefnið hefur gefist vel og eftir því sem skipulag og utanumhald hefur þróast hefur árangurinn batnað og meðferðarheldni aukist. Fyrstu fjóra mánuði ársins 2013 var meðferðarheldnin um 57% en fyrstu fjóra mánuði 2014 var hún um 78%.<ref>[https://www.heilsugaeslan.is/um-heilsugaesluna/frettir/frett/2014/05/26/Samningur-um-innleidingu-hreyfisedla/ Samningur um innleiðingu hreyfiseðla. Heilsugæslan] Skoðað 23.nóvember 2015.</ref>