Stærðfræðigreining
Stærðfræðigreining er sú grein stærðfræði sem fæst við markgildi og tengda hluti, eins og deildun, heildun, mál, óendanlegar raðir og fáguð föll.
Þessi viðfangsefni eru oftast rannsökuð í samhengi við rauntölur, tvinntölur og föll. Stærðfræðigreining þróaðist út frá örsmæðareikningi og fær þaðan grunnhugtök sín og aðferðir. Stærðfræðigreining er aðskilin frá rúmfræði, en hægt er að beita henni á stærðfræðileg viðföng í rúmi sem býr yfir skilgreiningu á nánd (grenndarrúmi) eða fjarlægðum milli hluta (firðrúmi).
