Japansstraumurinn
Japansstraumurinn eða Kuroshio („Svartistraumur“) er hafstraumur sem flæðir í norðurátt í vestanverðu Norður-Kyrrahafi. Hann er hluti af Norður-Kyrrahafshringstraumnum og leikur sama hlutverk og Golfstraumurinn í Atlantshafi. Hann hefst þar sem Norður-Miðbaugsstraumurinn mætir Tævan og flæðir í norðaustur meðfram Japan. Þar rennur hann saman við Norður-Kyrrahafsstrauminn sem flæðir austur yfir hafið.
