Ilmklungur

Rubus odoratus
	; Ilmklungur í Danmörku
Vísindaleg flokkun
Ríki:	Jurtaríki (Plantae);
Fylking:	Dulfrævingar (Magnoliophyta);
Flokkur:	Tvíkímblöðungar (Magnoliopsida);
Ættbálkur:	Rósaættbálkur (Rosales);
Ætt:	Rósaætt (Rosaceae);
Ættkvísl:	Rubus;
Undirættkvísl:	Anoplobatus;
Tegund:	R. odoratus;
Tvínefni
	Rubus odoratus; L.
Samheiti
	Synonymy Bossekia odorata (L.) Greene ; Rubacer columbianum (Millsp.) Rydb. ; Rubacer odoratum (L.) Rydb. ; Rubus columbianus (Millsp.) Rydb. ; Rubus glandulifolius Salisb. ; Rubus grandifolius Salisb. ; Rubus quinquelobus Stokes ;

Rubus odoratus (Ilmklungur) er tegund af Klungurættkvísl, upprunnin úr austur N-Ameríku, frá Nova Scotia vestur til Ontario og Wisconsin, og suður með Appalachia fjöllum allt til Georgíu ríkis og Alabama.^[1]^[2]

Rubus odoratus er runni sem verður að 3 m. hár, með fjölærum stönglum (ekki tvíærum eins og hindber ofl. tegundir ættkvíslarinnar). Einnig, ólíkt flestum skyldum tegundum er hún ekki með þyrna. Lauf óskift, allt að 25 sm, 5-flipótt, hjartalaga við grunninn, sagtennt, dúnhærð á neðra borði. Blómin ilmandi, bleik-purpura (sjaldan hvít), allt að 5 sm í þvermál, í margblóma skúf, bikarblöð odddregin, krónublöð breið, snubbótt. Aldin flöt og breið, rauð eða appelsínugul, með lítil, dúnhærð steinaldin.^[3]^[4]^[5]^[6]^[7]

Ræktun og nytjar breyta

Rubus odoratus er víða ræktuð til skrauts vegna áberandi blómanna og langs blómgunartíma. Það kann best við vægan skugga, næringarríkan og lítið eitt súran jarðveg með hóflegu vatni. Það er búið að ílendast í hlutum Washington ríkis^[8] og einnig í Evrópu, sérstaklega í suðaustur Englandi.^[3]