Alþjóðlega staðlastofnunin

Alþjóðlega staðlastofnunin (ISO) er alþjóðlegt fulltrúaráð sem samsett er af fulltrúum ríkisstaðlastofnana og sér um að setja fram alþjóðlega staðla fyrir viðskipti og iðnað. Eru þessir staðlar þekktir sem ISO staðlar. Hún var stofnsett 23. febrúar 1947.

Stofnunin er yfirleitt kölluð einfaldlega ISO (borið fram sem „ísó“). ISO stendur fyrir enska heitið International Organization for Standardization, eða svipað. Annars er orðið ISO dregið af gríska orðinu isos, sem þýðir „jafngildur“. Vegna þess að eigið nafn stofnuninnar er mismunandi í hverju tungumáli ákváðu stofnendur hennar að nota „ISO“ sem alhliða stutt heiti á henni.

Þó að ISO flokki sjálfa sig sem óopinbera stofnun, er hún valdmeiri en flestar aðrar óopinberar stofnanir vegna þess að staðlar sem hún setur verða oft að lögum í gegnum milliríkjasamninga eða ríkisstaðla, og hagar hún sér yfirleitt meira eins og samtök með sterk tengsl við ríkistjórnir. Meðlimir ISO teljast nokkur af stærri hlutafélögum heims og að minnsta kosti ein staðalnefnd frá hverju landi.

ISO starfar náið með Alþjóðlega raftækniráðinu (IEC) sem er ábyrgt fyrir stöðlun raftækja.

Nokkrir ISO staðlar

Þessi listi er ókláraður. Þú getur hjálpað til með því að bæta við hann

• ISO 216 alþjóðlegur staðall fyrir pappírsstærðir.

• ISO 639 alþjóðlegur staðall fyrir skammstafanir á heitum tungumála og tungumálahópa.

• ISO 3166 alþjóðlegur staðall fyrir landfræðilega kóðun.

• ISO 4217 alþjóðlegur staðall fyrir kóðun gjaldmiðla.

• ISO 8601 alþjóðlegur staðall fyrir dagsetningar og tíma.

• ISO 8859-1 alþjóðlegur staðall fyrir stafakóðun latneska stafrófsins.

• ISO 9000 alþjóðlegur staðall fyrir gæðastjórnun í framleiðsluumhverfi.

• ISO 9001 alþjóðlegur staðall fyrir gæðastjórnun.

• ISO 14000 alþjóðlegur staðall fyrir umhverfisstjórnun í framleiðsluumhverfi.
• ISO 17100 alþjóðlegur staðall fyrir þýðingaþjónustu.

• ISO 14001 alþjóðlegur staðall fyrir umhverfisstjórnun.

• ISO 27001 alþjóðlegur staðall fyrir upplýsingaöryggi.

• ISO 31000 alþjóðlegur staðall fyrir áhættustjórnun.

Heimildir

  Þessi tæknigrein er stubbur. Þú getur hjálpað til með því að bæta við greinina.