Morgunfrú

Morgunfrú
	;
Vísindaleg flokkun
Ríki:	Jurtaríki (Plantae);
(óraðað):	Dulfrævingar (Magnoliophyta);
(óraðað)	Eiginlegir tvíkímblöðungar (Eudicotyledoneae);
(óraðað)	Asterids;
Ættbálkur:	Körfublómabálkur (Asterales);
Ætt:	Körfublómaætt (Asteraceae);
Ættflokkur:	Calenduleae;
Ættkvísl:	Calendula;
Tegund:	C. officinalis;
Tvínefni
	Calendula officinalis; L.

Morgunfrú eða gullfífill (fræðiheiti Calendula officinalis) er jurt af körfublómaætt. Hún er einært sumarblóm uppruninn í Suður-Evrópu og verður um 40 — 60 sentimetrar á hæð. Mörg afbrigði hafa verið ræktuð af morgunfrúnni, bæði með einfaldar eða marfaldar körfur, oftast gular eða appelsínugular.

Nytjar

Jurtin hefur frá fornu fari verið notuð til lækninga, til að lita föt, í mat og snyrtivörur. Lauf og blóm eru æt og er blómum bætt í rétti sem krydd og í stað saffrans. Laufblöðin eru oft beisk á bragðið og eru notuð í salöt. Auðvelt er að rækta morgunfrúr á sólríkum stöðum.