Græn anakonda

Græn anakonda (fræðiheiti: Eunectes murinus) er slanga sem finnst í Suður-Ameríku. Hún er þyngsta og næstlengsta þekkta slanga síns ættbálks. Þegar vísað er til anakondu er oftast verið að tala um grænu anakonduna en hugtakið gæti einnig gilt um aðra meðlimi ættkvíslarinnar Eunectes.

Græn anakonda
Ástand stofns
Ekki í hættu
Vísindaleg flokkun
Ríki: Dýraríkið Fylking: Seildýr Undirfylking: Hryggdýr Flokkur: Reptilia Ættbálkur: Squamata Undirættbálkur: Serpentes Ætt: Boidae Undirætt: Boinae Ættkvísl: Eunectes Tegund: E. murinus
Tvínefni
Eunectes murinus (Linnaeus, 1758)
Samheiti
[Boa] murina Linnaeus, 1758 [Boa] Scytale Linnaeus, 1758 Boa gigas Latreille, 1802 Boa anacondo Daudin, 1803 Boa aquatica Wied-Neuwied, 1824 Eunectes murinus – Wagler, 1830 Eunectes murina – Gray, 1831 Eunectes murinus – Boulenger, 1893 Eunectes scytale – Stull, 1935 [Eunectes murinus] murinus – Dunn & Conant, 1936 Eunectes barbouri Dunn & Conant, 1936 Eunectes murinus murinus – Dunn, 1944

Almennt

E. murinus, New England Aquarium

Græna anakondan getur orðið meira en sex metrar að lengd og sú lengsta varð 8,8 m. Hún hefur gin sem er 30 cm og getur orðið allt að 227 kg. Græna Anakondan er ættuð frá Suður-Ameríku er þyngsta og ein af lengstu slöngum sem finnast í heiminum. Hún á heima í mýrum og straumlitlum ám, aðallega í hitabeltis regnskógum Amazon og Orinoco vatnssvæðum. Þær eru mjög fyrirferðamiklar á landi en í vatni fer mjög lítið fyrir þeim. Græna anakondan hefur augu nasir efst á höfðinu sem gerir þeim kleift að leita sér að bráð meðan þær eru eiginlega á kafi svo bráðin sér þær aldrei fyrr en það er of seint.

Fæða

Mestur tími grænu anakondunar fer í að veiða í vatni og getur hún étið eiginlega allt sem upp í hana kemst en aðal fæða hennar er fiskur, fuglar, villt svín og hefur einnig komið upp atvik þar sem hún át hlébarða. Græna anakondan er ekki eitruð en í staðinn kæfa þær bráðina áður en þær borða. Þegar hún sér bráðina sína finnur hún sér fullkomið tækifæri og grípur bráðina með munninum og læsir með tönnunum sínum. Því næst vefur hún sér utan um hana og kreistir þar til allt líf úr henni er farið og þegar bráðin er dauð étur hún hana í einum bita. Þegar bráðin er mjög stór tekur græna anakondan kjálkann sinn úr lið til þess að geta komið allri bráðinni upp í sig.

Græna anakondan er ekki þekkt fyrir að éta menn en koma hafið upp atvik þar sem það hefur gerst. Einnig hafa komið upp atvik þar sem kvenkyns anakondur hafa étið karlkyns anakondur sem eru minni en þær.

Æxlun

Græna anakondan eyðir mestum sínum tíma ein en í apríl og maí leita karlar út konur til þess að makast og oft eltast mörg karldýr við eitt kvendýr. Þegar Anakondan er orðin þunguð tekur það eggin átta til tólf vikur að þróast og síðan klekjast eggin á meðan þau eru enþá inn í líkama móðurinnar. Þá fæðir hún allt að 80 litla snáka sem er hver um það bil 30-40 cm að lengd.

Tenglar

• Animal Fact Guide
• National Geographic Geymt 4 febrúar 2010 í Wayback Machine