George Mikan
George Lawrence Mikan Jr. (/ˈmaɪ klen/; 18. júní 1924 – 1. júní 2005), oft kallaður "Mr. Basketball", var bandarískur atvinnumaður í körfubolta fyrir Chicago American Gears í National Basketball League (NBL) og Minneapolis Lakers í NBL, Basketball Association of America (BAA) og National Basketball Association (NBA). Mikan var einn af brautryðjendum atvinnumennskunnar í körfubolta í Bandaríkjunum og með stærð sinni og hæfileikum endurskilgreindi hann körfubolta sem leik sem stjórnað var af "stórum mönnum".[1][2]
 Mikan árið 1945 | |
| Persónulegar upplýsingar | |
|---|---|
| Fæðingardagur | 18. júní 1924 Joliet, Illinois, Bandaríkin |
| Dánardagur | 1. júní 2005 (80 ára) Scottsdale, Arizona, U.S. |
| Hæð | 208 cm (6 ft 10 in) |
| Þyngd | 111 kg (245 lb) |
| Körfuboltaferill | |
| Háskóli | DePaul (1942–1946) |
| Leikferill | 1946–1954, 1956 |
| Leikstaða | Miðherji |
| Númer | 99 |
| Þjálfaraferill | 1957–1958 |
| Liðsferill | |
| Sem leikmaður: | |
| 1946–1947 | Chicago American Gears |
| 1947–1954, 1956 | Minneapolis Lakers |
| Sem þjálfari: | |
| 1957–1958 | Minneapolis Lakers |
| Tölfræði á NBA.com | |
| Tölfræði á Basketball Reference | |
Mikan átti mjög farsælan leikferil og vann sjö meistaratitla í NBL, BAA og NBA deildunum á níu tímabilum. Sökum yfirburða sinna voru fjölmargar reglubreytingar teknar upp, meðal annars reglur gegn því að verja skot á niðurleið, innleiðing skotklukkunar og breikkun á vítateignum, sem varð þekkt sem "Mikan reglan".[3]
Eftir leikferil sinn varð Mikan einn af stofnendum American Basketball Association (ABA), sem fór í samkeppni við NBA, og starfaði sem framkvæmdastjóri deildarinnar fyrstu árin. Hann átti einnig stóran þátt í að mynda Minnesota Timberwolves sem tekið var inn í NBA árið 1989. Seinna á ævinni tók Mikan þátt í málaferlum gegn NBA til að auka lífeyri leikmanna sem leikið höfðu fyrir gullaldar ár deildarinnar.
Mikan lést árið 2005 eftir langvarandi baráttu við sykursýki.[4]
Titlar
breytaFélagslið
breyta- NBL meistari (2): 1947, 1948
- BAA meistari (1): 1949
- NBA meistari (4): 1950, 1952, 1953, 1954
- World Professional Basketball Tournament (1): 1948[5]
Háskólalið
breyta- National Invitation Tournament meistari: 1945
Tilvísanir
breyta- ↑ nba.com (23. febrúar 2007). „George Mikan Bio“. NBA.com. Sótt 16. febrúar 2008.
- ↑ jongib369 (29. september 2012), George Mikan, afritað af uppruna á mars 9, 2021, sótt 3. mars 2018
- ↑ hoophall.com (23. febrúar 2007). „George Mikan Biography“. Afrit af upprunalegu geymt þann 22. maí 2008. Sótt 16. febrúar 2008.
- ↑ espn.com (23. febrúar 2007). „Mikan was first pro to dominate the post“. Sótt 16. febrúar 2008.
- ↑ Bill Carlson (12. apríl 1948). „Lakers 'World Champions' now“. The Minneapolis Star. bls. 23. Sótt 23. júní 2024 – gegnum Newspapers.com.
Heimildir
breyta- Heisler, Mark (2003). Giants: The 25 Greatest Centers of All Time. Chicago: Triumph Books. ISBN 1-57243-577-1.
- Peterson, Robert W. (2002). „The Big Man Cometh“. Cages to Jump Shots: Pro Basketball's Early Years. Lincoln: University of Nebraska Press. bls. 142–149. ISBN 0-8032-8772-0.