Côte d'Azur
Strandlengja við Miðjarðarhafið í suðausturhluta Frakklands og Mónakó
(Endurbeint frá Franska rivíeran)
Côte d'Azur (oksítanska: Còsta d'Azur, „bláa ströndin“; einnig kölluð Franska rivíeran) er heiti á strandlengju í suðausturhluta Frakklands við Miðjarðarhafið. Hún nær frá landamærum Ítalíu í austri að Saint-Tropez eða Hyères í vestri. Helsta borgin við ströndina er Nice en þar eru líka Mónakó og Cannes. Þarna hófu baðstaðir að þróast undir lok 18. aldar þegar ströndin varð vinsæl meðal bresku yfirstéttarinnar sem heilsubótardvalarstaður. Íbúar við ströndina eru um tvær milljónir.
