Forseti Angóla
Forseti Angóla er bæði þjóðhöfðingi og stjórnarleiðtogi í Angóla. Með nýrri stjórnarskrá árið 2010 var embætti forsætisráðherra lagt niður. Forsetinn er yfir framkvæmdavaldinu og fer líka með löggjafarvald að hluta þar sem hann getur stjórnað með tilskipunum.
Frá því landið fékk sjálfstæði frá Portúgal árið 1975 hafa aðeins þrír menn verið forsetar: fyrst Agostinho Neto frá 1975 til 1979, José Eduardo dos Santos frá 1979 til 2017 og João Lourenço frá 26. september 2017.
