Firefox
Mozilla Firefox eða einfaldlega Firefox (áður þekktur sem Phoenix og Mozilla Firebird) er vafri, þróaður af Mozilla Foundation og hundruðum sjálfboðaliða. Vafrinn, sem fellur undir hugtakið opinn hugbúnaður, á að mæta þörf fólks á vafra sem er lítill, hraður og einfaldur. Firefox býr einnig yfir viðbótarkerfi sem gerir fólki mögulegt að sníða vafrann að þörfum sínum. Samkvæmt StatCounter er Firefox árið 2019 annar vinsælasti vinsælasti vafri heims á eftir Chrome á hefðbundnum PC tölvum.[2] Hann er líka til á t.d. Android, og á öllum tölvum samanlagt t.d. með iOS líka, er Firefox í þriðja sæti á eftir Chrome og Safari.
| Mozilla Firefox | |
| |
 Firefox 57.0 á Windows 10 | |
| Höfundur | Mozilla Corporation |
|---|---|
| Hönnuður | Mozilla Corporation Mozilla Foundation |
| Fyrst gefið út | 9. nóvember, 2004 |
| Nýjasta útgáfa | 76.0.1[1] og 68.8.0esr / 8. maí 2020 |
| Stýrikerfi | Windows 7 og nýrra Mac OS X Linux BSD Solaris OpenSolaris |
| Tungumál í boði | 90 tungumál |
| Notkun | Vafri FTP-biðlari |
| Vefsíða | www.mozilla.com/firefox |
Útgáfan fyrir Android ("Firefox for Android") verður studd til 2020, en þá hefur verið ákveðið að hætta við stuðningi við þá útgáfu í núverandi mynd. Nýr vafri Fenix hefur verið kynntur í stað hans fyrir Android með nýtt viðmót.
SagaBreyta
.png)
Firefox byrjaði sem tilraun hjá Dave Hyatt og Blake Ross í Mozilla-verkefninu. Þann 3. apríl 2003 kynnti Mozilla Organization að þeir ætluðu að breyta áherslunni frá Mozilla Suite í Firefox og Thunderbird. Verkefnið hefur síðan skipt um nafn nokkrum sinnum. Í upphafi hét það Phoenix en var endurnefnt út af Phoenix Technologies. Í staðinn kom Firebird en var skipt yfir í Mozilla Firebird til að rugla ekki saman við Firebird free database software project. Vegna pressu frá Firebird skiptu þeir þann 9. febrúar yfir í Mozilla Firefox.
Firefox var í mörgum útgáfum áður en útgáfan 1.0 kom út þann 9. nóvember 2004. 24. október 2006 gaf Mozilla út Firefox 2.
Firefox er sá vafri sem lengst af studdi Windows XP (af stóru nöfnunum í vafraheiminum). T.d. hætti Microsoft að styðja Windows XP fyrr (og þar með varð Internet Explorer 11 tæknilega óstuddur þar, þó hann sé enn studdur á t.d. Windows 10).
AnnaðBreyta
- Helstu keppinautar Mozilla Firefox eru Google Chrome, Safari, Microsoft Edge, Opera og Internet Explorer.
- Vafrinn og merki hans draga nafn sitt af rauðu pöndunni, sem er einnig þekkt sem eldrefurinn.
- Linux dreifingin Debian þurfti að breyta nafni vafrans vegna höfundaréttar á nafni og lógói. Forritið kallast Iceweasel innan Debian og er með annað lógó.
