Fastanefndir Alþingis

Á Alþingi eru starfandi átta fastanefndir. Kosið er í nefndirnar á þingsetningarfundi að afloknum alþingiskosningum og gildir kosningin fyrir allt kjörtímabilið. Hver þingmaður, að ráðherrum og forseta Alþingis undanskildum, á sæti í einni eða fleiri fastanefnd.

Fastanefndir þingsins fara með eftirlitshlutverk gagnvart framkvæmdavaldinu og er verksvið nefndanna tvíþætt. Nefndirnar fjalla annars vegar um þingmál sem er vísað til þeirra, þ.e. frumvörp, þings­ályktunar­tillögur og skýrslur. Hins vegar hafa nefndirnar heimild til að fjalla um ýmis mál að frumkvæði nefndarmanna án þess að beinlínis sé um þingmál að ræða.

Listi yfir fastanefndir Alþingis:

• Allsherjar- og menntamálanefnd
• Atvinnuveganefnd
• Efnahags- og viðskiptanefnd
• Fjárlaganefnd
• Stjórnskipunar- og eftirlitsnefnd
• Umhverfis- og samgöngunefnd
• Utanríkismálanefnd
• Velferðarnefnd