Facon

Facon var íslensk hljómsveit sem var stofnuð á Bíldudal árið 1962. Stofnandi hennar var Hjörtur Guðbjartsson, en aðrir meðlimir hennar voru þeir Jón Kr. Ólafsson, Ástvaldur Jónsson og Jón Ingimarsson. Árið 1969 lauk ferli hljómsveitarinnar með útgáfu fjögurra laga hljómplötu hjá SG - hljómplötum en hún hafði að geyma hið geysivinsæla lag "Ég er frjáls". Þá skipuðu hljómsveitina þeir Pétur Bjarnason á bassa, Ástvaldur Jónsson gítar og píanó, Grétar Ingimarsson trommur og Jón Kr. Ólafsson söngvari.

Faconmenn árið 1962. Frá vinstri, Hjörtur Guðbjartsson, Jón Kr. Ólafsson, Jón G. Ingimarsson og Ástvaldur Jónsson. Ljósmyndina tók Valdimar B. Ottósson

Hljómsveitin Facon 1969. Frá vinstri, Jón Kr. Ólafsson, Ástvaldur Jónsson, Grétar Ingimarsson og Pétur Bjarnason.

Útgefið efni

• Vísitölufjölskyldan - Lag - texti: Syd Barrett - Pétur Bjarnason (1969)
• Ljúfþýtt lag - Lag - texti: Jón Ástvaldur Jónsson - Hafliði Magnússon (1969)
• Ég er frjáls - Lag - texti: Pétur Bjarnason (1969)
• Unaðsbjarta æskutíð - Lag - texti: Jón Ástvaldur Jónsson - Hafliði Magnússon (1969)

Tenglar

• Hljómplötur; grein í Morgunblaðinu 1969
• Glatkistan