Félag grunnskólakennara

Félag grunnskólakennara er fag- og stéttarfélag grunnskólakennara á Íslandi. Hlutverk þess er málsvörn þeirra tæplega 5.400 félagsmanna Kennarasambands Íslands sem sinna kennslu eða ráðgjöf í grunnskólum. Félagið er fjölmennasta aðildarfélag Kennarasambands Íslands.

Giljaskóli er grunnskóli á Akureyri. Á árinu 2022 voru 47.115 grunnskólanemendur á Íslandi í samtals 174 skólum. Félag grunnskólakennara telur 5.300 manns við kennslu og ráðgjöf.

Með stofnun félagsins í nóvember 1999 sameinuðust allir grunnskólakennarar landsins í fyrsta sinn í einu félagi.

Félagið heldur aðalfund fjórða hvert ár. Hin árin er efnt til ársfundar. Félagið gefur reglubundið út „Eplið“ sem er rafrænt upplýsingarit fyrir félagsmenn. Það er aðgengilegt á vef félagsins.

Formaður Félags grunnskólakennara er Mjöll Matthíasdóttir.

Svæðafélög

Félag grunnskólakennara er fjölmennasta aðildarfélag Kennarasambands Íslands. Það hefur aðsetur í Borgartúni 30, Reykjavík.

Svæðafélög eru grunneiningar Félags grunnskólakennara. Svæðafélögunum er ætlað að vera málsvari félagsmanna hvert á sínu svæði og fara með hagsmuni þeirra í samskiptum við skólana og vinnuveitendur. Þá koma þau að koma að gerð vinnustaðasamninga í samráði við stjórn Félags grunnskólakennara.

Svæðafélögin starfa á eftirtöldum stöðum og svæðum:

• Bandalag kennara á Norðurlandi eystra (BKNE)
• Kennarafélag Mosfellsbæjar, Seltjarnarness og Kópavogs (KMSK)
• Kennarafélag Reykjaness (KR)
• Kennarafélag Reykjavíkur (KFR)
• Kennarafélag Suðurlands (KS)
• Kennarafélag Vestmannaeyja (KV)
• Kennarafélag Vesturlands (KFV)
• Kennarasamband Norðurlands vestra (KSNV)
• Kennarasamband Austurlands (KSA)
• Kennarasamband Vestfjarða (KSV)

Tenglar

• Vefur Félags grunnskólakennara

• Grunnskólar á Íslandi.