Ensím
stór líffræðileg sameind sem virkar sem hvati á efnahvörf
Ensím eða lífhvatar eru venjulega stór prótein (13.000-500.000 Dalton) sem hraða efnahvörfum í frumum. Það er þessi hæfileiki ensíma að „hvata hvörf“ sem skilur ensím frá öðrum próteinum.
![](http://upload.wikimedia.org/wikipedia/commons/thumb/9/97/Phenylalanine_hydroxylase_brighter.jpg/220px-Phenylalanine_hydroxylase_brighter.jpg)
Í frumum eru ensím tengd við frumuvegg, himnur, leyst upp í umfrymi eða dreifð í kjarnanum. Mismunandi magn er af ensímum í mismunandi vefjum og frumutegundum. Ensím eru nokkuð óstöðug og við litlar breytingar á hitastigi eða sýrustigi geta þau misst virkni sína.