Dömubindi
Dömubindi er gleypið bindi notað til að soga upp blóð og annan vökva, einkum meðan á blæðingum stendur hjá stúlkum og konum sem ekki eru óléttar. Nútímadömubindi eru yfirleitt einnota bindi sem sett er í nærbuxur og því er svo hent eftir notkun. Margar konur velja sér að nota tíðatappa í staðinn, það er að segja gleypinn tappi úr bómull sem sett er inn í leggöngin. Annar nýlegri valkostur er margnota tíðabikar sem settur er inn í leggöngin. Bikarinn er tæmdur og skolaður milli notkana. Dömubindi eru einnig notuð við aðrar aðstæður, til dæmis eftir barnsburð.
