Bíum, bíum, bamba
Bíum, bíum, bamba er alkunn barnagæla sem sumir nota sem huggunarkvæði eða vögguvísu á börn sín. Höfundur er ókunnur. Flestir kunna þó eingöngu fyrsta erindið og gleyma því seinna.
- Bíum, bíum bamba,
- börnin litlu þamba
- fram um fjalla kamba
- að leita þar lamba.
- Margt er gott í lömbunum
- þegar þau koma af fjöllunum,
- gollurinn og görnin,
- og vel stíga börnin.
Margir hafa ekki hugmynd um hvað sögnina að þamba þýðir, en hún þýðir að kjaga áfram með erfiðismunum, einkum í vondri færð, gegn stormi og hríð. Gollur er hið sama og gollurshús, en það er poki sem umlykur hjartað. Í þennan poka létu menn koma kjöt og mör og gerðu sér þannig mat úr honum.